«Almatyda memlekettik tóńkeriske, Memleket basshysyn laýazymynan yǵystyrýǵa talpynys boldy. Olar adamdardy ákimshilik ǵımarattarǵa bastap bardy. Osy oqıǵa kezinde 3 myńnan astam qarý urlandy. Olardyń basym bóligi áli kúnge deıin qolda júr. Tergeý jumystary ońaı bolyp jatqan joq. Sebebi osy oqıǵanyń uıymdastyrýshylary men úılestirýshileri kásibı daıyndalǵan adamdar», dedi Qasym-Jomart Toqaev.
Degenmen, Memleket basshysynyń atap ótýinshe, vedomstvoaralyq arnaıy top memlekettik tóńkeris jasaýǵa baǵyttalǵan osynaý talpynystyń barlyq mán-jaıyn ashý úshin tabandy túrde jumys istep jatyr.
«Almatyǵa óte qatygezdikpen shabýyl jasaldy. Adamdar óte qatty zorlyq-zombylyqqa ushyrady. Úlken bazarlardan kelgen maroderler óte kóp boldy. Almaty ákimdigi men Prezıdent rezıdensııasynyń órtengenin aıtyp ta otyrǵanym joq. Almatyda oryn alǵan oqıǵany jeńildetýge bolmaıdy», dedi QR Prezıdenti.
Qasym-Jomart Toqaev tragedııa aýqymynyń úlkendigin jáne qysqa merzimde barlyq mán-jaıdy ashý qıyndyǵyn aıtty.
