Qoǵam • 15 Maýsym, 2022

HQKO-lardyń jumys ýaqyty qysqarýy múmkin

72 ret kórsetildi

Sıfrlyq damý, ınnovasııalar jáne aeroǵarysh ónerkásibi mınıstrligi Halyqqa qyzmet kórsetý ortalyqtarynyń jumys kestesine ózgerister engiziletin buıryqty daıyndady, dep habarlaıdy Egemen.kz.

Qujatta ótinishterdi qabyldaý men memlekettik qyzmetterdiń daıyn nátıjelerin berý memlekettik korporasııa arqyly dúısenbiden jumany qosa alǵanda saǵat 9.00-den 18.00-ge deıin úzilissiz júzege asyrylady delingen.

Bul rette memlekettik korporasııanyń halyqqa qyzmet kórsetý kezekshi bólimderi mereke jáne demalys kúnderinen basqa, dúısenbiden bastap jumany qosa alǵanda saǵat 9.00-den 20.00-ge deıin jáne senbi kúni saǵat 9.00-den 13.00-ge deıin jumys isteıdi.

Qazir HQKO-lar jeksenbi jáne mereke kúnderin qospaǵanda, saǵat 9.00-den 20.00-ge deıin úzilissiz qyzmet etedi.

Mınıstrlikte túsindirgendeı, jumys kestesiniń ózgerýi kadrlardyń jetispeýshiliginen týyndaǵan.

«2021 jylǵy qańtardaǵy jaǵdaı boıynsha Qazaqstan Respýblıkasy boıynsha Halyqqa qyzmet kórsetý bólimderi qyzmetkerleriniń shtat sany 8 967 birlikti qurady. Búgingi tańda operatorlardyń shtattyq sany – 8 379,5 birlikti, naqty – 7 062,5 birlikti quraıdy. Sondaı-aq Memlekettik korporasııa qyzmetkerleriniń sanyn 30%-ǵa qysqartý josparlanyp otyr. Osyǵan baılanysty eki aýysymdy jumys kestesine (saǵat 9:00-den 18:00-ge deıin jáne saǵat 11.00-den 20.00-ge deıin) kóshý orynsyz dep sanaımyz», delingen mınıstrlik qujatynda.

Vedomstvonyń málimetinshe, jumys kestesin 9:00-den 18:00-ge deıin qysqartý oń dınamıkany kórsetýge, qyzmetkerlerdi bir aýysymdyq jumys kestesine aýystyrýǵa jáne kesimdi eńbekaqy tóleý júıesin engizýge jáne nátıjesinde qyzmetkerlerdiń joǵary jumys qabilettiligin qamtamasyz etýge múmkindik beredi.

Sonymen qatar Halyqqa qyzmet kórsetý bólimderine júginbeı, Memlekettik qyzmet kórsetý boıynsha birqatar qosymsha arna bar ekendigi atap ótildi (máselen, egov.kz elektrondyq úkimet portaly, egovmobile mobıldik qosymshasy, «HQKO» mobıldik qosymshasy arqyly memlekettik qyzmetterdiń keıbir túrlerin beıne qońyraý arqyly alýǵa bolady).

«Sonymen qatar jumys kestesin qysqartý jáne HQKO kezekshilerin engizý kommýnaldyq qyzmetter úshin bıýdjetti únemdeýge oń áserin tıgizedi», delingen qujatta.

Buıryq jobasy jarııa talqylaý úshin 29 maýsymǵa deıin Ashyq NQA saıtynda ornalastyrylǵan.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar