«2021 jyly álemdik ekonomıka pandemııaǵa deıingi deńgeıge qaıta oraldy. Jahandyq jalpy ishki ónimniń ósýi 6,1% qurap, 40 jyldan astam ýaqyt ishinde eń joǵarǵy kórsetkishke jetti. О́tken jyly Qazaqstan ekonomıkasy da 4,1%-ǵa ósip, pandemııaǵa deıingi deńgeıge oraldy. Álemdik ekonomıkanyń tez qalpyna kelýi shamadan tys suranysqa ákep soqtyryp, shıkizat, materıaldar men azyq-túlik baǵasynyń qymbattaýyna sebepshi boldy. Bul energetıkalyq daǵdaryspen birge álemniń kóptegen elderinde rekordtyq ınflıasııaǵa ákeldi», dedi Ǵalymjan Pirmatov Senattyń jalpy otyrysynda.
Onyń aıtýynsha, syrtqy faktorlarmen qatar jekelegen taýar naryǵyndaǵy ishki teńgerimsizdik eldegi ınflıasııalyq qysymdy da kúsheıtti.
«О́tken jyldyń birinshi jartysynda ınflıasııalyq prosesterdiń turaqtanýyna qaramastan, jyldyń ortasynan bastap ınflıasııa azyq-túlik, shıkizat pen materıaldar baǵasynyń jalpy álemdik trendiniń aıasynda jedeldeı bastady. Jazǵy kezeńde kókónis naryǵyndaǵy teńgerimsizdik, janar-jaǵarmaı jáne retteletin qyzmetter baǵasynyń ósýi – ishki proınflıasııalyq trıggerler boldy. Osy jaǵdaıda Ulttyq bank Úkimetpen birlesip, Memleket basshysynyń tapsyrmasyna sáıkes, ınflıasııany 8,5% sheginde ustap turý boıynsha sharalar qabyldady», dep túıindedi Ulttyq bank tóraǵasy.
