Eńbek jáne halyqty áleýmettik qorǵaý mınıstrliginiń baspasóz qyzmeti habarlaǵandaı, bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
«Tólem mólsheri bala sanyna qaraı esepteledi. Kópbalaly otbasylaryndaǵy 4 balaǵa – 50 975 teńge, 5 balaǵa – 63 727 teńge, 6 balaǵa – 76 479 teńge, 7 balaǵa – 89 231 teńge, 8 balaǵa – 101 760 teńge, 9 balaǵa – 114 480 teńge, 10 balaǵa – 127 200 teńge, 11 balaǵa – 139 920 teńge, 12 balaǵa – 152 640 teńge, 13 balaǵa – 165 360 teńge, 14 balaǵa – 178 080 teńge, 15 balaǵa – 190 800 teńge, 16 balaǵa – 203 520 teńge nemese ár balaǵa 12 525 teńge tólenedi», delingen vedomstvo habarlamasynda.
Eske salaıyq, kópbalaly otbasylarǵa olardyń tabysyn esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty aıasynda engizilgen.
