Prezıdent Qasym-Jomart Toqaev óziniń halyqqa arnaǵan Joldaýynda da Ulytaýdyń táýelsiz Qazaqstan úshin orny bólek óńir ekenin atap ótken bolatyn. Rasynda da, solaı ekenine eshkim kúmán keltirmes.
Ulttyq quryltaıdyń qurylǵany elimiz úshin eń mańyzdy ári tarıhı oqıǵa dep tolyqqandy aıtýǵa bolady. О́ıtkeni Prezıdent janynan qurylǵan bul konsýltatıvtik organnyń maqsat-mindetteri dala demokratııasynyń qaǵıdattaryna saı kelip tur. Jalpy, mundaı basqosýlarda eldik máseleler nazardan tys qalmaıtyny álimsaqtan aıan. Nege deseńiz, tarıhtan tamyr tartqan shahardaǵy Ulttyq quryltaıdan áleýmet mańyzdy sheshimder kútetini aıtpasa da túsinikti.
Bir belgilisi, úlken aýqymdaǵy quryltaı ishki jáne syrtqy saıasatty túgeldeı qamtıtyny talas týdyrmaıdy. Sarapshy retinde elimizden bastap, halyqaralyq deńgeıdegi máseleler qaı kezde de mańyzdy ekenin sezinemin. Álbette, birinshi kezekte jınalǵandar óz pikirin aıta jatar. Qalaı desek te, meniń oıymsha, birinshi kezekte adam quqyqtaryn qorǵaý, áleýmettiń jaǵdaıyn ońaltý, memlekettiń turaqtylyǵyn qalyptastyrý, ulttyq qaýipsizdik máselelerine deıin qamtylýǵa tıis.
Ulttyq quryltaıda ózekti máseleler aıtylyp qana qoımaı, qoǵamdaǵy keleńsizdikterdiń oń sheshim tabýyna septesedi. Qysqasy, Qazaq eli úshin taǵdyrsheshti kezeńde qolǵa alynǵan Ulttyq quryltaıdyń alǵashqy otyrysy memlekettiń, eldiń bolashaǵynyń jarqyn bolýyna jol ashsa degen tilek bar.
Marat BÁShIMOV,
Eýropalyq quqyq jáne adam quqyqtary saraptamalyq ınstıtýtynyń dırektory
