Ǵasyrlardyń syry men muńy sińgen óńirde ótken Ulttyq quryltaıdyń alǵashqy otyrysyna Memleket basshysy Qasym-Jomart Toqaev Jańa Qazaqstandy qurýdyń negizi de osy jıynmen astasyp jatqanyn ańǵartty.
Búginde elimizdiń baıandy bolashaǵy úshin atqarylyp jatqan aýqymdy sharýalar az emes, birlesip bitiretin tirlikter de jetip artylady. «Elý jylda el jańa» degen sózdiń parqyn túsinetin kez jetti. Bizdiń basty baılyǵymyz – Táńir tartý etken ǵajap qutqa aınalǵan azattyq. Prezıdenttiń ózi Ekinshi Respýblıka, Ádiletti Qazaqstan ıdeıalaryn júzege asyrýdyń mańyzyn aıtýdaı-aq aıtyp keledi. Topqa da, otqa da túsken otyz jyldyq tarıhqa úńile otyryp, jańa bıikterdi baǵyndyratyn ýaqyt keldi.
Quryltaıdyń bir mindeti túrli qoǵamdyq toptar arasynda dıalog ornatý bolyp otyr. Alqaly jıynda kemel keleshegimizdi baǵdarlaıtyn baıandy bastamalar sóz boldy. Jalpy, Ulttyq quryltaıdyń quramyna ártúrli jastaǵy azamattyń engenine qarap, urpaqtar arasyndaǵy sabaqtastyq saqtalǵanyn aıqyn ańǵaramyn. Alqaly jıynǵa qatysý men úshin úlken senim, jaýapkershilik dep bile-
min.
Aısulý ERNIIаZOVA,
«Qazaqstan volonterleri lıgasy» qoǵamdyq qorynyń tóraǵasy
