Eki mektepke deıingi mekeme qyzmetkerleriniń eńbekaqysynyń eseptelýi men aýdarylýyn jospardan tys tekserýge jeke tulǵalardyń ótinishteri negiz boldy.
«Tekserý barysynda anyqtalǵandaı, balabaqshalardyń biriniń esepshisi Qazaqstan Respýblıkasynyń Eńbek kodeksin buza otyryp, osy kásiporynda is júzinde jumys istemeıtin tulǵaǵa alty aıdyń ishinde negizsiz jalaqy aýdaryp kelgen, sondaı-aq basqa da tólemder jasaǵan. Keltirilgen shyǵyn 367,7 myń teńgeni qurady», dedi Pavlodar oblysy boıynsha ishki memlekettik aýdıt departamentinde.
Vedomstvoda bul somanyń tolyq ótelgenin atap ótti.
Basqa mektepke deıingi mekemede aýdıtorlar esepshiniń jarty kún jumys isteıtin qyzmetkerge on aı boıy tolyq jumys kúni úshin jalaqy tólegenin anyqtady.
«Aýdıtorlyq is-sharanyń qorytyndysy boıynsha atalǵan balabaqshalarǵa anyqtalǵan quqyq buzýshylyqtardy joıý jáne keltirilgen zalaldy óteý, sondaı-aq bundaıǵa jol bergen tulǵalardyń jaýapkershiligin qaraý týraly uıǵarym jiberildi», dedi departamentte.
Tekserý materıaldary prosestik sheshim qabyldaý úshin Sybaılas jemqorlyqqa qarsy qyzmettiń Pavlodar oblysy boıynsha departamentine jiberildi.
