R. Vasılenko men Fransııanyń Eýropa jáne Syrtqy ister mınıstrligi Kontınentaldy Eýropa departamentiniń dırektory Frederık Mondolonımen pikir almasty.
Kelissózder barysynda taraptar aradaǵy qarym-qatynastarǵa jańa serpin berýdiń mańyn atap ótti. Osy oraıda F.Mondolonı Qazaqstan Fransııanyń ortaazııalyq aımaǵyndaǵy negizgi jáne senimdi seriktesi ekenin eske saldy. Eki memleket basshylarynyń kezdesýin uıymdastyrý jaıy da sóz boldy.
Fransııa 2022 jyldyń birinshi jartyjyldyǵynda Eýrodaq Keńesine tóraǵalyq etedi. Osy rette Qazaqstan men EO arasyndaǵy yntymaqtastyqtyń jaı-kúıi men keleshegi talqylandy. 29 salany qamtıtyn Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimniń barlyq erejelerin iske asyrý joldary pysyqtaldy. Atatp aıtqanda eki el azamattary arasyndaǵy baılanystardy keńeıtýge, Qazaqstan azamattary úshin vızalyq rejımdi jeńildetýge erekshe nazar aýdaryldy.
