Sazdy aýyly aýdan ortalyǵynan 90 shaqyrym shalǵaı ornalasqan. Alaıda turǵyndar qumdy óz kúshimen kúrep, tehnıkanyń aqysyn da tólep otyr. Zeınetker Balııan Ábýova onsyz da jańa qorasyn salǵany úshin eki jylqymdy berdim deıdi. Endi, qumdy kúreý úshin aqsha tólep otyrý kerek.
«Qumdy zorǵa kúretip, tas úı salyp aldyq endi. Biraq bergi jaǵyn qaıta-qaıta qum basyp jatyr, ony aqshaǵa kúretip otyrmyz. Bir kúretýimizdiń ózi 500-600 myńǵa shyǵady. Biz ondaı kóp aqsha taba almaımyz», deıdi B.Ábýova.
Sazdydan bólek Saýysqan jáne Jarma aýyldary da qumnyń astynda qaldy. Turǵyndar qum kóshkininiń negizgi sebebin jerasty sýynyń ıgerilýimen baılanystyryp otyr.
Sońǵy jyldary qum kóshkini údep ketken. Aqtóbe aýyldyq okrýginiń ákimi Súıindik Eńsepov jerasty sýlaranyń jaqyn ekenin rastady. Sonyń arqasynda shóp jaqsy ósedi. Bes jyl buryn úsh aýyldaǵy qum kóshkinin toqtatý úshin arnaıy joba ázirlengen bolatyn. Onyń quny - 422 mln teńge.
Onyń aıasynda qum qorshalyp, sekseýil men júzgen egilýi tıis edi. Alaıda qarjy bólinbeı qaldy. Qazir qarjy bar biraq, merdiger joq. Sebebi, naryqtaǵy baǵa sharyqtap ketken.
Oblystyq tabıǵı resýrstar jáne tabıǵat qorǵaý basqarmasynyń bólim basshysy Erbol Denovtyń aıtýynsha, 2022 jylǵa oblystyq bıýdjetten aqsha bólindi.
«1,2,3-shi jylǵa 256 mln teńge qarastyrylǵan. Sol boıynsha biz jyl basynan beri 4 ret konkýrs jarııalaǵan bolatynbyz. О́kinishke qaraı, eshkim konkýrsqa qatyspady, ótpedi dep tanyldy», dep atap kórsetti E. Denov.
Mamandar alda taǵy da konkýrs jarııalaýdy josparlap otyr. Odan nátıje bolmasa, jobaǵa túzetý engizilmek. Qum kóshkinin toqtatý jumystary jyldyń aıaǵyna deıin bastalady degen jospar bar.
