Mazmundy is-sharanyń ashylýynda Ulttyq mýzeı dırektorynyń orynbasary Nazgúl Qadirimbetova halyqaralyq sımpozıýmǵa qatysqan sýretshilerge alǵysyn jetkize kelip: «О́nerde shekara bolmaıtyndyǵyna búgin taǵy kózimiz jetti. Sizderdiń qarymdy qylqalamdaryńyzdan týǵan dúnıeler elordalyqtardyń kózaıymyna aınaldy. Bul týyndylardyń bári mýzeıdiń altyn qorynda saqtalady», dedi.
Sondaı-aq Koreıadan kelgen tanymal sýretshi Djý Genvý atalǵan is-sharany ótkizýge uıytqy bolǵan Mádenıet jáne sport mınıstrligi men Ulttyq mýzeı ujymyna rızashylyǵyn bildirip, Kókshetaý ólkesiniń kórkem kelbeti men tarıhyn bir týyndyǵa syıdyrý múmkin emestigin sóz etse, mońǵolııalyq sýretshi Gangat Enh Orı qylqalam sheberlerine shabyt syılaǵan jıynnan alǵan áserimen bólisti.
Kórmege sımpozıýmǵa qatysqan sýretshilerdiń jańa týyndylary qoıyldy. Olardyń arasynda maıly boıaý, akvarel, qaryndashty paıdalanyp, ár janrda salynǵan kartınalarda Býrabaıdyń ǵajaıyp tabıǵaty men tarıhy qylqalam sheberleriniń qııaly arqyly ásem túrge bólengen. Ásirese kelýshiler sýretshilerdiń «Býrabaı tańy», «Dala ańyzy», «Kezdesý», «Oqjetpes» sekildi eńbekterine qyzyǵýshylyq tanytty.
