Aımaqtar • 23 Maýsym, 2022

BQO-da sý qoımasynan tyrysqaq bakterııasy anyqtaldy

15 ret kórsetildi

Batys Qazaqstan oblysynda sý qoımalarynan alynǵan synamadan tyrysqaq tárizdes vıbrıon tabyldy, dep habarlaıdy Egemen.kz.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaev málim etkenindeı, oblys turǵyndarynan tyrysqaq anyqtalǵan joq.

Onyń aıtýynsha, jyl saıyn ótkir ishek juqpalary órshıtin kezeńde, mamyrdan bastap qazan aıyna deıin ashyq sýlardan tyrysqaq vıbrıonyna synama alynady.

«Tyrysqaq vıbrıondary patogendi jáne patogendi emes bolyp bólinedi, barlyǵy 150-deı túri bar. Mamyr aıynan bastap alynǵan 73 synamanyń 14-inen patogendi emes tyrysqaq tárizdes Vibrio cholerae non O1 tabyldy. Qazirgi kezde qaýipti derttiń aldyn alý maqsatynda kún saıyn monıtorıng júrgizilýde. Sonymen qatar adamdar ózen-kólde shomylǵan kezde sýdy jutyp qoımaı, baıqaý kerek. Aýrý lastanǵan sýdan taralady. Eń bastysy, jeke bas gıgıenasyn saqtaý qajet», dedi N.Mustaev.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar