Qoǵam • 23 Maýsym, 2022

Q.Toqaev: Áıelder men balalardy zorlyq-zombylyqtan qorǵaý basty mindet

3800 ret kórsetildi

Memleket basshysy Qasym-Jomart Toqaev Qazaqstan polısııasynyń 30 jyldyǵyna arnalǵan saltanatty jıynda áıelder men balalardyń quqyǵyn qorǵaý basty mindet ekenin atap ótti, dep habarlaıdy Egemen.kz.

Memleket basshysy azamattardyń bárine teń múmkindik beretin qoǵam qurý, sonyń ishinde áıelder men balalardyń quqyǵyn qorǵaý basty mindet ekenin atap ótti.

«Taǵy bir mańyzdy mindet – áıelder men balalardy zorlyq-zombylyqtan qorǵaý. Mınıstrlikte osyndaı isterdi tergeýmen aınalysatyn arnaýly bólim qaıta ashyldy. Meniń tapsyrmam boıynsha bıyl áıelder men balalarǵa keshendi qoldaý kórsetetin ortalyqtar quryldy. Bul ortalyqtar qazir pılottyq rejımde jumys jasap tur. Onda psıhologııalyq, quqyqtyq jáne medısınalyq kómek kórsetiledi. Sondaı-aq tıisti saraptamalar jasalady. Arnaıy daıarlyqtan ótken tergeýshi áıelder zardap shekken jandarǵa járdem beredi. Jalpy, bul ortalyqtar tıimdi jumys istep jatyr. Mundaı ortalyqtardy búkil el aýmaǵynda ashyp, aýqymyn keńeıtý kerek. Úkimetke jáne ákimderge osy jumysty qolǵa alýdy tapsyramyn», dedi Qasym-Jomart Toqaev.

Eske sala keteıik, Prezıdent Qazaqstan polısııasynyń 30 jyldyǵyna arnalǵan jıynǵa qatysty.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar