Qoǵam • 24 Maýsym, 2022

Elordada arnaıy tehnıka qurastyratyn zaýyttyń ekinshi kezeńi iske qosylady

22 ret kórsetildi

Indýstrııa jáne ınfraqurylymdyq damý mınıstri Qaıyrbek О́skenbaev mamandandyrylǵan arnaıy tehnıkalar qurastyratyn zaýyt jumysymen tanysty, dep habarlaıdy Egemen.kz.

«Astana – jańa qala» AEA ındýstrııalyq parki aýmaǵynda ornalasqan jobanyń jalpy quny 8,8 mlrd teńgeni quraıdy.

Alǵashqy kezeńde kásiporynda jylyna 11 800 birlik arnaıy tehnıkanyń bólshekterin qurastyrý, syrlaý jáne dánekerleý jumystary júrgizildi. Al ekinshi kezeń tolyq iske qosylǵanda jylyna 10 myń tolyqqandy daıyn júk jáne mamandandyrylǵan tehnıka shyǵarý kózdelip otyr.

Sheteldik ınvestısııa tartý arqyly iske qosylǵan zaýyt 250-ge jýyq adamdy jumyspen qamtyp otyr. QR IIDM basshysy kásiporyn ishki naryqty arnaıy tehnıkamen tolyqqandy qamtamasyz etip qana qoımaı, eksportqa shyǵarylatyn ónim kóleminiń artýyna da eleýli úles qosatynyn atap ótti.

2021-2025 jyldary júzege asyrylatyn jobanyń qazirgi tańda ekinshi kezeńin iske qosýǵa daıyndyq jumystary júrgizilýde.

Aıta keteıik, zaýytta kólik quraldaryn dánekerleý, boıaý jáne qurastyrý jumystary júrgiziledi. Sonymen qatar arnaıy mamandandyrylǵan tehnıkalardyń testik synamalary da jınaqtalady.

Sońǵy jańalyqtar

Uqsas jańalyqtar