Aýa raıy • 26 Maýsym, 2022

Erteń elimizdiń birneshe óńirinde 38-41 gradýs ystyq bolady

17 ret kórsetildi

Qazgıdromettiń boljamy boıynsha, 27 maýsymda elimizdiń birneshe óńirinde ystyq aýa raıy saqtalady, dep habarlaıdy Egemen.kz.

Almaty qalasynda 36 gradýs qatty ystyq kútiledi.

27 maýsymda túnde jáne tańerteń Mańǵystaý oblysynyń batysynda, soltústik-batysynda, kúndiz ońtústiginde, soltústiginde, ortalyǵynda naızaǵaı sharqyldap, shańdy daýyl kútiledi. Soqqan jeldiń jyldamdyǵy15-20 m/s jetedi.

Qyzylorda oblysynda jel soltústik-batystan, soltústikten soǵady. Kúndiz oblystyń ortalyǵynda jeldiń kúshi 15-20 m/s kútiledi. Kúndiz 41 gradýs qatty ystyq bolady. Oblystyń basym bóliginde tótenshe órt qaýpi saqtalady.

Shyǵys Qazaqstan oblysynyń shyǵysynda, kúndiz soltústiginde, , ortalyǵynda naızaǵaı kútiledi. Kúndiz oblystyń soltústiginde, shyǵysynda burshaq, daýyl kútiledi. Jel ońtústikten soltústik-batysqa aýysady, kúndiz oblystyń soltústiginde, shyǵysynda 15-20, ekpini 23 m/s. Kúndiz oblystyń ońtústiginde qatty ystyq 38 gradýsqa jetedi. Oblystyń batysynda tótenshe órt qaýpi saqtalady.

Pavlodar oblysynyń ońtústiginde, shyǵysynda qatty jańbyr jaýady. Soltústiginde, ońtústiginde, shyǵysynda, oblys ortalyǵynda naızaǵaı, burshaq, daýyl kútiledi. Soltústik-batystan jel soǵyp, kúni 15-20, ekpini 23 m/s jetedi.

Qaraǵandy oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan jel soǵady, túnde oblystyń soltústiginde ekpini 15-20 m/s, kúndiz oblystyń basym bóliginde kúshi 15-20, ekpini 23 m/s jel kútiledi. Kúndiz oblystyń ońtústiginde 35-38 gradýs qatty ystyq saqtalady.

Ulytaý oblysynyń ońtústiginde soltústik-batystan soqqan jel ekpini 15-20 m/s jetedi.

27 maýsymda Soltústik Qazaqstan oblysynyń ońtústiginde, soltústiginde, shyǵysynda soltústik-batystan 15-20 m/s jyldamdyqpen jel soǵady.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar