Eńbek bırjasyndaǵy túıindemelerdiń sany azaıdy

«Bos oryndardyń basym bó­­ligin bilim berý (6,7 myń bos oryn), aýyl sharýashylyǵy (4,4 myń), ózge de qyzmetter (3,8 myń) jáne densaýlyq saqtaý (2,8 myń) sektorlarynyń ká­siporyndary ornalastyrdy. Bul rette aýyl sharýashylyǵy salasyndaǵy bos oryndardyń úshten biri Jambyl oblysyna tıesili», dedi «Eńbek resýrstaryn damytý ortaly­ǵy» AQ Ctrategııa departamenti dı­rek­torynyń orynbasary Ulpan Shegenova.

Sońǵy aıdyń qortyndysy boıynsha eńbek naryǵyndaǵy suranys pen usynystyń qury­lymy ortasha bilikti mamandar­ǵa joǵary suranysty kórsetti, ıaǵnı suranys (50,8%) usynystan (35,5%) 1,4 ese asyp tústi. Alaı­da osy jyldyń basy­­nan beri baıqalǵan eńbek nary­ǵy­nyń qajettilikteri men bilik­tiligi tó­men kadrlardyń bolýy ara­syndaǵy teńgerimsizdik kúsheıdi – biliktiligi tómen eńbekke izde­nýshiler ornalastyrylǵan bos jumys oryndaryna (40,2%) qara­ǵanda 1,5 ese kóp (28,4%). Aıta ketý kerek, joǵary bilikti mamandar tarapynan eńbek usy­nysy (24,3%) suranysqa sáıkes keledi (20,9%).

«Mamyr aıynda júrgizý­shiler (3,9 myń bos oryn) jáne kúzetshiler (1,9 myń bos oryn) eń kóp suranysqa ıe boldy. Sonymen qatar medısına qyz­met­kerlerine, atap aıtqanda dá­ri­gerlerge (2,5 myń bos jumys orny jáne 857 túıindeme), orta medısına qyzmetkerlerine (1,9 myń bos jumys orny jáne 774 túıindeme) jáne sanıtarlarǵa (1 myń bos jumys orny jáne 327 túıindeme) degen úlken qa­jettilikti atap ótý qajet», dedi U.Shegenova.

О́tken aıda bos jumys oryn­­­darynyń sany tórt óńirde tórt­ten birge azaıdy. Olar Túr­kistan (-26,5%), Mańǵystaý (-24,2%), Qyzylorda (-23,7%) jáne Pavlodar (-22,9%) ob­lys­tary. Eger ornalastyrylǵan bos jumys oryndarynyń sany boıynsha óńirlerdi baǵalaı­tyn bolsaq, jumys berýshiler­diń eń joǵary belsendiligi Nur-Sultan (10,2%), Alma­ty (9,4%) qalalarynda jáne Qaraǵandy oblysynda (10,5%) tirkelgenin atap ótý­ge bolady. Qarastyrylǵan aımaq­tar­da eń kóp suranysqa ıe qyz­met­kerlerge biliktiligi tómen jáne biliktiligi ortasha mamandar jatady. Sonymen qatar úl­ken qalalarda mamandyqtarǵa degen suranys birdeı. Mysaly, Nur-Sultan jáne Almaty qala­larynda ashanalyq jumys­shy­­lar, kúzetshiler, satýshy-kon­­sýltanttar men kassırler, me­­ıirbıkeler/meıirgerler, tár­bıeshiler men olardyń kómek­shileri jáne aspazdar úshin bos oryndardyń eń kóp sany orna­lastyrylǵan. Bul rette taldanyp otyrǵan kezeńde is júzinde barlyq óńirlerde izdenýshiler arasynda belsendilik tómendedi, eń joǵary quldyraý Shymkent qalasynda (-39%), Túrkistan oblysynda (-36%), Batys Qazaq­stan oblysynda (-33,6%) jáne Shyǵys Qazaqstan obly­synda (-32,5%) boldy. Eń bel­sendi izdenýshiler Túrkistan (túıin­demeniń jalpy sanynyń 12,6%) jáne Almaty (11,5%) oblystarynda baıqalady.

Genderlik bóliniste erler (49%) jáne áıelder (51%) is jú­zin­de eńbek naryǵynda teń dáre­jede usynylǵan.

«Aıta ketý kerek, mamyr aıynda dybys rejısserleri, JOO professorlary – 2 mln teńge, dırıjerler – 1 mln teń­ge, ınjener-konstrýktorlar men tehnıkalyq dırektorlar – 840 myń teńge kóleminde eń jo­ǵary jalaqyǵa úmitker bol­dy. Sonymen qatar eńbek nary­ǵyndaǵy jalaqysy joǵary ma­man­dyqtarǵa memlekettik qyz­met­shilerdiń keıbir sanattary, jóndeý ýchaskeleriniń sheber­leri, qurylys ýchaskeleriniń bas­tyqtary, jyljymaıtyn mú­lik agentteri, satyp alý jáne satý menedjerleri, bas qury­lysshylar, ákimshilik memle­ket­tik qyzmetkerler, ekonomıster jatady. О́ńirler bólinisinde eń joǵary jalaqy Nur-Sultan qalasynda usynylady (orta esep­pen – 900 myń teńge), Batys Qazaqstan (900 myń teńge) jáne Mańǵystaý (800 myń teńge) oblystarynda júzege asyrylady. Osylaısha, ótken aıdyń qory­tyndysy boıynsha jumys berýshiler arasynda da, jumys izdeýshiler tarapynan da eko­nomıkalyq belsendiliktiń tó­men­deýi baıqalady. Biraq eńbek na­ryǵynda kúzetshiler, jumys­shylar, júrgizýshiler jáne medısına qyzmetkerleri áli de jo­ǵary suranysqa ıe», dedi Eńbek jáne halyqty áleýmettik qorǵaý mınıstrliginiń mamandary.