Ranking sarapshylarynyń baǵalaýynsha, jańa banktiń mamyr aıyndaǵy kórsetkishteriniń bári mınýs deńgeıinde. Baıaǵy deńgeıinen qatty túspegen jalǵyz kórsetkish menshik kapıtaly eken. Menshik kapıtalynyń kólemi sáýirmen salystyrǵanda 0,1 paıyzǵa tómendep, 134 mlrd teńgeni quraǵan. Al jyldyq dınamıkada tipti 23,3 paıyz deńgeıinde utysqa shyqqan.
«О́zge kórsetkishter boıynsha Eso Center Bank-te bári de nashar. Bir aıda bank aktıvteri birden eki ese azaıǵan. Kóktemdegi «sanksııalyq» aılarda bank jyldyq dınamıkada aktıvter portfeliniń 41,1 paıyzyn joǵaltty. Qaryz portfeli 35,6 paıyzǵa tómendedi. Sáýirde banktiń mindettemeleri 2,5 ese azaıǵan. Sondaı-aq qarjy ınstıtýtynyń salymdary 59,5 paıyzǵa qysqaryp, 1 mamyrda 208,6 mlrd teńgeni qurady. Jyldyq dınamıkada salym portfeli 2,1 ese tómendegen», deıdi Ranking.
Eco Center Bank bola salysymen jarııalaǵan alǵashqy jańalyqtarynyń biri – jeke tulǵalar úshin 2022 jyldyń 1 shildesinen bastap depozıt boıynsha mólsherlemeni tómendetýi. Sonymen qatar jańa bank birjaqty tártipte barlyq aǵymdaǵy shottardy jaýyp tastady. Banktiń shotynda qalǵan barlyq qolma-qol aqsha «Bank SentrKredıt» shottaryna aýystyrylady.
Sondaı-aq aǵymdaǵy shotty, debettik nemese nesıe kartalaryn, depozıt ashý, kredıt alý, Swift paıdalaný, kartadan kartaǵa aýdarym jasaý sııaqty operasııalar áli de qoljetimsiz.
