«Ázirge bul taqyryp qaralǵan joq», dedi Erulan Jamaýbaev.
Sondaı-aq ol zeınetaqy jasyn tómendetý boıynsha esepteýlerge qatysty máselege túsinikteme berdi.
«Zeınetaqy tólemderine jyl saıyn 2,2 trln teńgeden astam qarajat jumsalady. Kez kelgen ózgeris trıllıondarmen sanalady. Úkimet bul máseleni talqylaǵan joq. Arnaıy zań bar», deıdi Erulan Jamaýbaev.
Onyń aıtýynsha, kez kelgen ózgeris tereń esepteýler men salalyq talqylaýdy qajet etedi. Qarjy mınıstriniń aıtýynsha, naqty talqylaý áli bolǵan joq.
«Jyl saıyn respýblıkalyq bıýdjetten zeınetaqy tólemderine 2,2 trln teńge bólemiz. Eńbek mınıstrliginde kóptegen jaqsy baǵdarlamalar bar, sonyń ishinde «Kúmis jasyn» ataýǵa bolady. Bul baǵdarlamalarǵa qarajat bólinedi. Ázirge biz qoldanystaǵy zańǵa súıenemiz», dedi Qarjy mınıstri.
