Aımaqtar • 28 Maýsym, 2022

Pavlodar oblysynda qant zaýyty iske qosylady

12 ret kórsetildi

Jańa joba qýaty 120 myń tonnaǵa deıin qant óndirýge múmkindik beredi, dep habarlaıdy Egemen.kz Pavlodarnews.kz saıtyna silteme jasap.

Pavlodar oblysynyń ákimi qant zaýytyn salý boıynsha jobalyq-smetalyq qujattamany ázirleý aıaqtalýǵa jaqyn ekenin málimdedi.

Ol áleýmettik mańyzy bar jobany júzege asyrýmen «Pavlodar» áleýmettik kásipkerlik korporasııasy aınalysatynyn eske saldy.

«Jobanyń ereksheligi – zaýyt shetelden ákelinetin qant shıkizaty emes, qant qyzylshasy ózimizde salynady dep josparlanyp otyr. Jobalyq-smetalyq qujattama aıaqtalý satysynda, sodan keıin joba memlekettik saraptamaǵa tapsyrylady», dep naqtylady Ábilqaıyr Sqaqov.

О́ńir basshysy zaýyttyń bastapqy jobasynda kemshilikteri bolǵanyn aıtty.

«Jobalaýshyǵa 100-den astam eskertý jasaldy. Joba tehnologııalyq turǵydan óte kúrdeli, ókinishke qaraı, bul salada bizdiń quzyretimiz joq. Jalpy 900 myń tonnadan astam qyzylsha óńdeý, ósirý josparlanyp otyr», dedi oblys ákimi.

Ábilqaıyr Sqaqov jobany odan ári iske asyrý úshin tájirıbeli mamandar qajet ekenin atap ótti.

«Osy jyldyń sońyna qaraı memlekettik saraptamanyń oń qorytyndysyn alýdy josparlap otyrmyz jáne jobany naqty baǵalaýdan keıin ınvestor izdestirýmen belsendi túrde aınalysamyz», dedi óńir basshysy.

Esterińizge sala keteıik, qant zaýytyn salý máselesi burynnan kóterilgen bolatyn. Jobaǵa birden eki ınvestor qyzyǵýshylyq tanytty, olardyń biri jobaǵa qatysqanyn rastady. Osy jobany iske asyrýdyń arqasynda oblysta ishki naryqty jergilikti ónimdermen qamtamasyz etý, óńdelgen aýyl sharýashylyǵy ónimderiniń básekege qabilettiligin arttyrý jáne qant boıynsha ımportqa táýeldilikti alyp tastaý josparlanyp otyrǵany habarlandy.

Kásiporyn 2025 jylǵa deıin Aqsý qalasynda iske qosylady dep josparlanǵan. Buǵan deıin «Pavlodar» ÁKK jobany 106 mlrd teńgege baǵalaıtynyn habarlaǵan bolatyn. Zaýyttyń qýattylyǵy jylyna 152 myń tonna qantty quraıdy. Kásiporyn 370 adamdy jumyspen qamtıdy.

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar