Qazaqstan • 28 Maýsym, 2022

QazMunaıGaz aksııalary AIX jáne KASE alańynda IPO-ǵa shyǵady

35 ret kórsetildi

«QazMunaıGaz» ulttyq kompanııasynyń bastapqy aksııalary AIX jáne KASE alańyna satylymǵa shyǵarylady, dep habarlaıdy Egemen.kz.

«Bıyl AIX jáne KASE alańynda bizdiń kompanııanyń IPO ótetinin jarııalaımyz. Biz áleýetti ınvestorlar tarapynan qurylym men qyzyǵýshylyqqa qatysty tereń taldaý júrgizdik. Qazir naryqty baǵalaý boıynsha jumysty aıaqtap jatyrmyz, damý jaǵynan úlken áleýetti kórip otyrmyz», dedi «Samuryq-Qazyna» ulttyq ál-aýqat qorynyń basqarma tóraǵasy Almasadam Sátqalıev elordada ótip jatqan «Astana Finance Days» V halyqaralyq konferensııasynyń paneldik sessııasynda sóılegen sózinde.

Ulttyq ál-aýqat qorynyń basshysy qazaqstandyqtardy munaı-gaz kompanııasynyń aksııalaryn satyp alýǵa shaqyrdy. Atalǵan proseste bırjalar, brokerler men «Qazposhtanyń» ınfraqurylymy qoldanylmaq. Sondaı-aq A. Sátqalıev Air Astana kompanııasynyń IPO-ǵa shyǵý jónindegi sheshim týraly habarlady. Onyń aıtýynsha, atalǵan áýekompanııa barlyq portfeldik kompanııalar arasynda IPO-ǵa barynsha daıyndalǵan. Biraq álemdegi qazirgi jaǵdaıǵa, onyń ishinde Eýrazııanyń eýropalyq bóligindegi qaqtyǵysqa baılanysty, bıyl IPO-ǵa shyqpaý jáne kelesi ınvestısııalyq múmkindikti kútý týraly sheshim qabyldandy.

«Bul rette biz kompanııanyń kapıtalyna belgili bir sharttardy usyna alatyn áleýetti, strategııalyq ınvestorlarmen belsendi jumysty bastap kettik», dep túsindirdi «Samuryq-Qazyna» basshysy.

Odan bólek, ulttyq qor basshysy «QazaqAir» áýekompanııasynyń qamtý kólemine qaraı IRO-ǵa shyǵý ıdeıasynan bas tartatynyn aıtty. Aıtýynsha, qazir jekeshelendirý prosesi júrip jatyr. Iаǵnı naryqtyń negizgi oıynshylarymen júrgizilgen kelissózderdiń qorytyndysy boıynsha birneshe jetekshi, álemdik áýekompanııamen qupııalylyq týraly kelisimderge qol qoıyldy.

A.Sátqalıev «QazaqGaz» ulttyq kompanııasynyń IPO-ǵa shyǵý múmkindigi jaıly aıtty.

«Bul másele Qazaqstandy gazben jabdyqtaý jáne eksporttyq naryqty damytý jónindegi jalpyulttyq josparǵa engen resýrstyq bazany keńeıtýden, iri ınfraqurylymdyq jobalardy iske asyrýdan keıin qaralady. Salany retteýge qatysty Úkimetpen birlesip aýqymdy jumys atqarý kerek. Atap aıtqanda, ishki naryq baǵasyn belgileý men naryqqa qatysýshylar arasyndaǵy ózara qarym-qatynas, Eýrazııa keńistiginde biryńǵaı naryq qurý perspektıvalary. Osy jumystyń qorytyndysy boıynsha atalǵan kompanııa IPO-ǵa shyǵady dep kútemiz. Bul - bizdiń josparymyz», dedi ol.

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar