Kezdesýde túrkitildes memleketter arasyndaǵy mádenı-gýmanıtarlyq baılanystardy odan ári damytý máselesi talqylandy.
Erlan Qarın Qazaqstanda rýhanııat salasynda atqarylyp jatqan jumystar jaıynda aıtty.
Sondaı-aq, ol bıyl Ahmet Baıtursynulynyń 150 jyldyq jáne Muhtar Áýezovtiń 125 jyldyq mereıtoılary aıasynda júzege asqan is-sharalarǵa da toqtaldy.
Memlekettik keńesshi aıtýly tulǵalardyń ataýly datalaryn TÚRKSOI sheńberinde ótkizý qajet ekenin atap ótti.
О́z kezeginde Sultan Raev Ahmet Baıtursynuly men Muhtar Áýezovtiń mereıtoılaryn halyqaralyq uıym aıasynda atap ótýge qatysty jospar qurylǵanyn, sol boıynsha tıisti jumys júrgizilip jatqanyn jetkizdi.
Sonymen qatar tek túrki álemi sheńberindegi ǵana emes, halyqaralyq deńgeıdegi ǵalymdar men zertteýshilerge jyl saıyn beriletin Ahmet Baıtursynuly men Muhtar Áýezov atyndaǵy tósbelgi shyǵarylǵanyn aıtty.
Kezdesý sońynda taraptar jyl sońynda Ahmet Baıtursynulynyń 150 jyldyǵyna arnalǵan keń kólemdi is-shara uıymdastyratyn bolyp ýaǵdalasty.
