Ulttyq biregeılikti ózindik bı tilimen jetkizetin etnografııalyq sıpattaǵy baǵdarlama – teatrdyń aıshyqty dúnıesine aınalǵan. Onda qazaq horeografııasynyń sońǵy jetistikterin tamashalap, dástúrli bı men zamanaýı baletmeısterlik sheshimderdiń úılesimine kýá bola alasyz.
Qoıýshy-baletmeıster Aıgúl Tátıdiń aıtýynsha, «Uly dala murasy» bı sıýıtalarynyń jınaǵy mádenıetimizdiń qundy dúnıelerin boıyna sińirgen. Bı, plastıka tili arqyly halqymyzdyń jan dúnıesin ashýǵa tyrysqan. Sonymen qatar otandyq baletmeısterlerdiń horeografııalyq mınıatıýralary keń-baıtaq dalamyzdyń kórkem tabıǵatyn ǵana emes, halqymyzdyń dástúri men tarıhyn bı tilimen ásem jetkizedi. Teatr ártisteriniń oryndaýyndaǵy ulttyq bılerimiz halqymyzdyń ulylyǵy men parasatyn, ashyq-jarqyn bolmysyn sheber beıneleıdi.
Sondaı-aq 5-6 jáne 8-9 shildede atalǵan óner ordasynyń sahnasynda sımfonııalyq orkestrdiń súıemeldeýimen Eýropa horeografııasynyń keshi ótedi. Mazmundy keshtiń birinshi bóliminde kórermender «Orfeı men Evrıdıka» bir aktili baletiniń premerasyn tamashalasa, ekinshi bólimde Stıven Raıhtyń daýylpaz yrǵaǵyndaǵy áýenine zamanaýı bı alyby Irjı Kılıan qoıǵan «Joldan taıǵandar» horeografııalyq mınıatıýrasyn kórsetedi.
Aıta keteıik, mazmundy is-shara Mádenıet jáne sport mınıstrliginiń qoldaýymen ótedi.
