Qoǵam • 29 Maýsym, 2022

Shekara shebindegi óńirdiń halqymen júzdesti

11 ret kórsetildi

Prezıdent keńesshisi Málik Otarbaev jaqynda Almaty oblysynda bolyp, Raıymbek jáne Kegen aýdandarynyń halqymen júzdesip qaıtty.

Alǵashqy kezdesý Raıymbek aýdanynyń orta­lyǵy Narynqolda ótip, aýyldardaǵy aqsaqaldar alqasynyń tóraǵalary, aýyl ákimderi men áleýmettik jeli belsendileri jınalǵan basqosýda biraz ýaqyttan beri sheshimin tappaı kele jatqan máseleler týraly oı-pikirler ortaǵa tastalyp, túıindi suraqtarǵa tushymdy jaýap alyndy.

Jol, jer, shekara máseleleri týraly oryndy usynystardy zeıin qoıyp tyńdaǵan Prezıdent keńesshisi bul aıtylǵandardy tıisti organdar basshylaryna jetkizetinine ýáde berdi. Kezdesý kezinde Málik Otarbaev Prezıdentimizdiń saıası reformasynyń qyr-syryn, Ulytaýda ótken Ult­tyq quryltaıda kóteril­gen máselelerdiń tarıhı mańyzy men mánin, sonymen birge Jańa Qazaqstan qurýdaǵy el belsendileri aldynda turǵan maqsat-mindetter men patrıottyq boryshtaryn egjeı-tegjeı túsindirip, jıynǵa qatysýshylardyń suraqtaryna jaýap berdi. Aýdan ákimi óńirde qolǵa alynyp jatqan ońdy ister men ıgi bastamalar týraly habardar etti.

Sapar barysyndaǵy ekinshi kún Kegen aýdanyndaǵy júzdesýlerge jalǵasty. Bul aýdanda da jergilikti turǵyndarmen kezdesýde talqyǵa túsken basty másele – respýblıkalyq mańyzǵa ıe jol men ýshyǵyp turǵan jer jaǵdaıy boldy. Jıynǵa qatysýshylar men suraq qoıǵan aýyl belsendilerine Prezıdent keńesshisi jer men jol problemalary res­pýblıka deńgeıinde qolǵa alynyp, kezeń-kezeńimen oń sheshilip kele jatqanyn naqty mysaldarmen túsindirip ketti.

Prezıdent keńesshisi, sondaı-aq Kegen aýylynda ótken aqyn, Qazaqstan Jazýshylar odaǵynyń múshesi Kádirbek Qunypııaulynyń 60 jas saltanatyna jáne aqynnyń «Naızaqara» jyr jınaǵynyń tusaýkeserine qatysyp, mereıtoı ıesine Prezıdent Q.Toqaevtyń Alǵyshatyn tabys etip, Mem­lekettik keńesshi E.Qarın­niń quttyq­taýyn jetkizdi.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar