Atalǵan toptamanyń bireýi kıiz úı aldyna alqa-qotan otyryp, sýretke túsken qazaqtar. Sýret túsindirmesinde: «Bul fotosýret HH ǵasyrdyń basynda Ońtústik Sibirdiń Altaı taýly aımaǵynda fotograf Sergeı Ivanovıch Borısov (1859-1935) túsirgen túrli tústi ashyqhattar toptamasynyń bir bóligi.
Borısov Sımbırskide (qazirgi Ýlıanovsk) krepostnoılar otbasynda dúnıege kelgen jáne jastaıynan eńbekke jegilgen. 1880-jyldardyń aıaǵynda Altaı ólkesindegi Barnaýl qalasyna qonys aýdaryp, 1894 jyly fotosýret stýdııasyn ashady. Bul stýdııa keıinirek qaladaǵy eń úlken ortalyqqa aınalady. 1907 jyly Borısov Altaı taýyndaǵy ekspedısııasyn bastady, ol 1911 jylǵa deıin jalǵasty. Osy ekspedısııa barysynda ol 1500-ge jýyq fotosýret túsirip, Barnaýlǵa oralǵan soń, beıneekran arqyly jurtshylyqqa kórsetedi.
Fotosýretter Altaı taýlarynyń shalǵaı túkpirlerindegi tabıǵat kórinisterin jáne osy ólkeniń baıyrǵy keıpi men qazaq halqynyń turmysyn beıneleıdi. Borısov fotosýretterdi ártúrli eýropalyq baspalarǵa ashyqhattar jasaý úshin usynady. Kolleksııa túrli tústi ashyqhattardyń eki serııasyn qamtıdy.
Birinshi serııany Stokgolmdegi shvedtik Granberg Society baspa kompanııasy shyǵardy, biraq ekinshi serııanyń qaı jerde jarııalanǵany belgisiz. Ashyqhattar Barnaýldaǵy Altaı memlekettik ólketaný murajaıynda saqtaýly, 2000-jyldardyń basynda «Shekaralar kezdesýi» sıfrly kitaphana jobasy úshin sıfrlandyrylǵan», dep jazylypty. Atalǵan kitaphanada saqtalǵan bul sýret túrli tústi kólemi: 9 x 14 sm.
