Medısına • 30 Maýsym, 2022

Konsýltasııadan hırýrgııalyq operasııalarǵa deıin

29 ret kórsetildi

«Járdem» mamandandyrylǵan medısı­nalyq poıyzy 29 maýsymnan bastap Aqtóbe oblysynyń shalǵaıdaǵy stansalary men oǵan jaqyn ornalasqan eldi mekenderdiń turǵyndaryn tegin medısınalyq tekserýden ótkizedi.

29-30 maýsym – Noǵaıty, 1-2 shilde – Qarashoqat, 3-4 shilde – Begimbet, 5-6 shilde – Qotyrtas, 7-8 shilde – Bershúgir, 9-10 shilde – Muǵaljar, 11-12 shilde – Juryn, 13-14 shilde – Aqkemer, 15-16 shilde – Áıteke bı, 17-18 shilde – Nıkeltaý, 19-20 shilde – Kempirsaı, 21-22 shilde Martuq stansasynda tańǵy 09.00-den bastap keshki 18.00-ge deıin medısınalyq poıyzdyń mamandary qabyldaıdy.

Aıta keteıik, «Járdem» medısınalyq poıyzy 23 mamyrda Almaty-2 stansasynan Mańǵystaý oblysyna jolǵa shyǵyp, keıin Atyraý oblysyna bardy. Jobanyń basty maqsaty – elimizdegi sapaly medısınalyq qyzmetke qol jetkize almaı otyrǵan shalǵaıda jatqan stansalar men oǵan jaqyn ornalasqan eldi mekenderdiń turǵyndaryn tegin medısınalyq tekserýden ótkizý.

Atyraý oblysyndaǵy dárigerlik tek­serý­lerdiń statıstıkasy mynadaı: dárigerlik qaralý­lar sany – 9 532. Atap aıtqanda, eń kóp ótinish JPD, terapevt, pedıatrǵa kelip tústi – 1 165 pasıent, budan ári oftalmolog – 924 pasıent, sondaı-aq nevropatolog – 894 pasıent, hırýrg – 831 pasıent jáne ýrolog – 745 pasıent. Poıyz dárigerleri barlyǵy 767 EKG, 841 ÝDZ jáne 833 flıýorografııa prosedýralaryn ótkizdi. Sonymen qatar 57 kishi hırýrgııalyq operasııa, ıaǵnı poıyz dárigerleri 57 balany súndetke otyrǵyzdy.

Dárigerler Atyraý oblysynda jıi kezdesetin aýrýlardy atady: qant dıabeti, omyrtqanyń osteohondrozy, vırýstyq konıýnktıvıt, artrıt, artroz, bronh demikpesi, gastrıt, pankreatıt, holesıstıt, sınýsıt, bronhıt sııaqty sozylmaly aýrýlar.

Atyraý oblysynyń turǵyndary medı­sınalyq poıyz mamandaryna kórsetken qyz­metteri men keńesteri úshin alǵys bildirdi. Osy jobanyń negizinde keı pasıentke aýyl­dyq jerlerde qoljetimsiz jáne oblystyq medısınalyq mekemelerine mindetti túrde barýdy talap etetin sırek em-dom túrleri jasaldy. Mysaly, Isataı stansasynyń bes jasar turǵyny Ahmad Mereıulyna hırýrgııalyq operasııa jasaldy, ıaǵnı dárigerler búldirshindi súndetke otyrǵyzdy.

«Men Aqqystaý aýdan ortalyǵyna «Járdem» medısınalyq poıyzynyń kele jatqanyn estip, Tushyqudyq aýylynan densaýlyǵymdy teksertý úshin keldim. Bul – aýyldyq jerlerdiń turǵyndary úshin, sondaı-aq qarjy jaǵy azdaý men sııaqty zeınetkerlerge úlken múmkindik. Qazirgi kezde medısınalyq qyzmetterdiń basym bóligi – jekemenshik, árbir qaralý kem degende 5-6 myń teńge turady. Men tańerteńnen beri bes mamannyń qaraýynan óttim, endi ÝDZ prosedýrasyn kútip otyrmyn. Dárigerler­diń barlyǵy unady, aýrýdyń sebepteri men em­deý joldaryn egjeı-tegjeı túsindirdi. Ásirese nevropatolog pen gınekologti atap ótkim kele­di. Poıyzdarda barlyq jaǵdaı jasalǵan: ár mamannyń jeke kabıneti bar, al ishindegi júrip-turatyn jerde men sııaqty eresekter úshin otyrýǵa múmkindik bar. Samruk-Kazyna Trust qoryna úlken alǵysymdy bildiremin jáne bizge jıi kelip turýlaryńyzdy tileımin. Sebebi bir degende 5-6 mamannyń qaraýynan ótýge bolady. Sonysymen qoljetimdi ári yńǵaıly», dep Atyraý oblysynyń turǵyny Jumazııa Almırova óz alǵysyn bildirdi.

«Járdem» medısınalyq poıyzy endi kes­tege sáıkes Aqtóbe oblysynyń 12 stansasyna barady. Onda 21 shildege deıin bolyp, shalǵaı beketterdegi jergilikti turǵyndarǵa qajet medısınalyq kómek tegin kórsetiledi. «29 maý­symda Noǵaıty stansasynan bastap, tańǵy saǵat 09:00-den halyqty qabyldaımyz», dedi «Járdem» medısınalyq poıyzynyń bas dárigeri Aınur Eginbaeva.

20 maýsymda «Salamatty Qazaqstan» ekin­shi medısınalyq poıyzy iske qosyldy. Keste boıynsha medısınalyq poıyz mamandary Malaısary stansasynda jumysyn jalǵas­tyrýda. Jumysyn Almaty oblysynan bastaǵan poıyz odan ári Shyǵys Qazaqstan, Pavlodar, Aqmola, Soltústik Qazaqstan, Qostanaı jáne Qaraǵandy, Jetisý, Ulytaý, Abaı oblystaryna barady. Sonymen qatar qos medısınalyq poıyz elimizdiń shalǵaı aýdandaryndaǵy 147 stansany qamtıdy.

Jobany «Samuryq-Qazyna» AQ kompanııa­lar tobynyń atynan Samruk-Kazyna Trust áleýmettik jobalardy damytý qory, Densaýlyq saqtaý mınıstrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporatıvtik qorymen birlesip iske asyrýda.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar