Úkimet • 30 Maýsym, 2022

Qazaqstan mindetti sıfrlyq tańbalaýdy engizýge moratorııden bas tartty

28 ret kórsetildi

20-21 maýsymda Mınskide ótken Eýrazııalyq úkimetaralyq keńestiń otyrysynda Eýrazııalyq ekonomıkalyq odaq (EAEO) elderine moratorıı engizý máselesi qaraldy, dep habarlaıdy Egemen.kz.

Sharaǵa Armenııanyń Úkimet basshysy Nıkol Pashınıan, Belarýs Úkimetiniń basshysy Roman Golovchenko, Qyrǵyzstannyń Úkimet basshysy Akylbek Japarov, Qazaqstannyń Premer-Mınıstri Álıhan Smaıylov, Reseıdiń Úkimet basshysy Mıhaıl Mıshýstın, Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch qatysty.

Shaǵyn jáne keńeıtilgen quramda ótken keńes otyrystarynda Eýrazııalyq ekonomıkalyq odaqtyń biriktirilgen aqparattyq júıesin damytý, taýarlardy tańbalaýdy júrgizý, alkogol naryǵyn retteý jáne elektrondyq saýda kezinde salyq salý máseleleri talqylandy.

Buǵan deıin sıfrlyq tańbalaý Odaqqa múshe memleketterdiń vıse-premerleri deńgeıinde Komıssııa Keńesiniń 2022 jylǵy 19 mamyrdaǵy № 83 «Eýrazııalyq úkimetaralyq keńes Jarlyǵynyń jobasy týraly» sheshimimen qoldaý tapqan edi.

22 maýsymda EAEO-da dárilik zattardy tańbalaýdy engizý máseleleri boıynsha sarapshylar kezdesýi ótti. Otyrys nátıjesinde Komıssııa Keńesiniń «Dárilik zattardy sáıkestendirý quraldarymen tańbalaýdy engizý týraly» sheshiminiń jobasyn pysyqtaý qajettigi týraly sheshim qabyldandy.

Eske salaıyq, taýarlardy sıfrlyq tańbalaý EAEO aýmaǵynda júzege asyrylatyn halyqaralyq joba. Mindetti sıfrlyq tańbalaýdy engizgennen keıin kóleńkeli aınalym úlesiniń aıtarlyqtaı tómendeýi múmkin, máselen Qazaqstannyń jeńil ónerkásip naryǵynda jalpy aınalymnyń 63%-ǵa, aıaq kıim naryǵynda 48,5%-ǵa, alkogol naryǵynda 25%-ǵa, jáne farmasevtıka ónerkásibinde 12%-ǵa tómendeıdi.

Sonymen qatar tańbalaý júıesin engizý IT naryǵynyń, qaptamalar men jabdyqtardy óndirýshilerge qyzmet kórsetýdiń damýyna serpin beredi. Tańbalaý men qadaǵalaýdyń biryńǵaı aqparattyq júıesiniń kómegimen taýarlardy qabyldaý jáne berý, qaıtarý, qabyldamaý, aınalymnan shyǵarý prosesterin rastaıtyn aqparattarmen sıfrlyq orta jasalady.

 

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar