Aımaqtar • 30 Maýsym, 2022

Aqshoqyda arqar atqan...

28 ret kórsetildi

Aıagóz aýdanynda er adam 13 mıllıon teńgeniń jan­ýarlaryn zańsyz atqan.

Shyǵys Qazaqstan oblystyq polısııa departamenti JPQB tabıǵatty qorǵaý polısııasy bólimi qorshaǵan ortany, ja­nýarlar dúnıesin qorǵaý, ósimin molaıtý jáne paıdalaný salasynda memlekettik baqy­laýdy júzege asyratyn ýáki­letti memlekettik organdarmen birlesip, brakonerlik fakti­leriniń jolyn kesý boıynsha turaqty negizde reıdtik is-sharalar júrgizedi.

Atalǵan polısııa bóliminiń qyzmetkerleri jyl basynan beri jabaıy ańdardy zańsyz aýlaýdyń 11 faktisin anyqtady. Bul Qylmystyq kodekstiń

337-baby, ıaǵnı «Zańsyz ań aýlaý» isi boıynsha qaralady.

Mysaly, Aıagóz aýdany Tar­baǵataı aýyldyq okrýginiń aýma­ǵynda tabıǵat qorǵaý polı­sııasynyń qyzmetkerleri «Ohot­zoprom» ınspektorlarymen bir­lesip, reıdtik is-shara­lar ót­kizgen kezde arqar men kú­zen­derdi zańsyz aýlaǵan Aqqoja aýy­lynyń 38 jastaǵy turǵyny ustaldy.

Qaskúnem Aqshoqy aýylynyń shetinde tegis uńǵyly tirkelmegen 28 kalıbrli qarýmen «oljasyn» atyp óltirgen. Qor­shaǵan ortaǵa keltirilgen zalal 13 mıllıon teńgeden asty.

Atalǵan fakti boıynsha QR QK 337-baby 4-bóligimen (janýarlardyń sırek kezdesetin jáne quryp ketý qaýpi tóngen túrlerine, sondaı-aq iri zalal keltire otyryp paıdalanýǵa ty­ıy­m salý engizilgen janýarlarǵa qatysty zańsyz ań aýlaý sanksııasynda 6 myń aılyq eseptik kórsetkishke deıingi mólsherde aıyppul salý ne sol mólsherde túzeý jumystaryna ne 3-ten 6 jylǵa deıingi merzimge bas bostandyǵyn shekteý kózdelgen; múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 7 jylǵa deıingi mer­zimge aıyra otyryp, sol mer­zimge bas bostandyǵynan aıyrýǵa jazalanady) qylmys­tyq is qozǵaldy.

 

Abaı oblysy

Sońǵy jańalyqtar

Uqsas jańalyqtar