Qoǵam • 01 Shilde, 2022

Mańǵystaýda halyq sany artyp keledi

41 ret kórsetildi

Mańǵystaýda turǵyndar sany tabıǵı ósim jáne kóship kelýshiler esebinen jyldam ósip keledi. Bıyl kóktemde oblysta halyq sany 748 471 adamǵa jetip, byltyrmen salystyrǵanda 22 myńǵa ósti. Árıne, oblysta jumyssyzdyq, aýyz sýdyń jetispeýi syndy kúrdeli máseleler týyndap turǵannyń ózinde halyq sanynyń artýy úlken qýanysh.

Mańǵystaýda aýyl turǵyndary­nyń qalaǵa qonys aýdarýynda belsen­dilik baıqalǵanmen, ázirge qala tur­ǵyn­darynyń sany aýyldyqtardan az eken. Iаǵnı 700 myńnan astam tur­ǵynnyń 302 697-i qalada, 445 774-i aýyl­dyq jerlerde turady. «Aýyl – altyn besik» deıtin qazaq úshin aýyl­dy joǵaltpaýdyń mańyzy zor. Bul turǵydan kelgende statıstıkalyq de­­­­rekter óńirde halyq sany jaǵynan aýyl­dyń áli de basymdyqqa ıe ekenin baı­qatty. Biraq turǵyndar sanynyń Aqtaý jáne Jańaózen qalalaryn­da, sondaı-aq Aqtaý tóńiregindegi Túp­­­qaraǵan aýdanyna qarasty aýyl­dar­da kóbirek óskendigine qarap, bul ba­ǵytta báribir qalalarǵa kóshý úrdi­si­niń bar ekenin joqqa shyǵara almaımyz.

– Jyl basynan beri oblystyń barlyq aýdandarynda halyq sany artty. Biraq turǵyndar sanynyń eń eleýli ósýi Aqtaý qalasynda – 218 197 adamǵa, Túpqaraǵan aýdanynda – 342 adamǵa, Jańaózen qalasynda ha­lyq sa­ny – 1 445 adamǵa, Beıneý aýdanyn­da – 295 adamǵa, Mańǵystaý aýdanynda – 56 adamǵa, Qaraqııa aýdanynda 13 adam­ǵa kóbeıgeni baıqaldy, dedi Mań­ǵys­taý oblystyq statıstıka depar­tamentiniń basshysy Rımma Ýtıýsheva.

Tabıǵı ósim boıynsha Mańǵys­­taý oblysy birneshe jyl boıy respýb­­lı­kada aldyńǵy orynda keledi. Bıyl jyl basynan beri 3 719 ul, 3 484 qyz bala, barlyǵy 7 203 náreste dú­nıege kelgen. Árıne, halqynyń sany kóp Aqtaý qalasy bul turǵyda basym­dyqqa ıe, dúnıe esigin ashqan barlyq náresteniń 2 349-y Aqtaý qala­synyń enshisinde.

Halyq sanynyń artqany – jańa­lyq, jaqsylyq. Bul óz kezeginde jer­gilikti basshylyqqa óńirde týyn­dap tur­ǵan máselelerdi jyldarǵa júk etpeı tezirek sheshý qajetin alǵa tartary anyq.

 

Mańǵystaý oblysy

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar