Is-shara barysynda energetıkalyq, kóliktik, azyq-túlik qaýipsizdigi, terrorızm qaterlerine qarsy is-qımyl jáne óńirlik qaýipsizdiktiń basqa da ózekti aspektileri talqylanyp, olardy nyǵaıtý jónindegi yqtımal sharalar qaraldy.
О́z sózinde Ǵızat Nurdáýletov Qazaqstan óńirlik qaýipsizdik salasyndaǵy negizgi máselelerdi sheshýdiń ujymdyq tásilderin qalyptastyrýǵa baǵyttalǵan kópvektorly syrtqy saıasatty iske asyryp jatqanyn atap ótti.
Osylaısha, bizdiń elimiz halyqaralyq energetıkalyq jáne azyq-túlik qaýipsizdigin qamtamasyz etýge óz úlesin arttyrý boıynsha, ónimniń negizgi túrlerin jetkizýde irkilisterge jol bermeý maqsatynda halyqaralyq kólik-logıstıkalyq baǵyttardy damytý boıynsha jumysty jalǵastyrady.
Jıynda Aýǵanstandy áleýmettik-ekonomıkalyq qalpyna keltirýge jáne osy eldegi jaǵdaıdy tez arada qalypqa keltirýge erekshe nazar aýdaryldy.
Kezdesý sońynda delegasııa basshylaryn Túrkııa prezıdenti Rejep Erdoǵan qabyldady. Túrkııa respýblıkasynyń basshysy qurlyqtaǵy geosaıası táýekelderdiń shıelenisýi jaǵdaıynda jańa ıntegrasııalyq tetikter qurýdyń mańyzdylyǵyn atap ótip, túrki memleketteri Uıymynyń barlyq qatysýshylarymen ózara qarym-qatynastyń oń qarqynyn atap ótti.
Sondaı-aq is-shara aıasynda Qaýipsizdik keńesiniń hatshylary Ishki ister mınıstrligi men Túrkııanyń ulttyq barlaý uıymynyń basshylyǵymen kezdesip, Túrik memlekettik aeroǵarysh kompanııasyn aralady.
