Qoǵam • 03 Shilde, 2022

Memlekettik qyzmetti basqarýdaǵy sıfrly ınnovasııalar

12 ret kórsetildi

«Memlekettik qyzmetti basqarýdaǵy sıfrly ınnovasııalar: úrdister men úzdik tájirıbeler» atty halyqaralyq onlaın kon­fe­rensııaǵa Eýropa men Azııanyń túrli elderinen, sondaı-aq halyqaralyq uıymdardan 100-ge jýyq adam qatysty.

Kollajdy jasaǵan Qonysbaı ShEJIMBAI, «EQ»

Bul – Astana memlekettik qyzmet haby Koreıa Respýblı­kasynyń Personaldy basqarý mınıstrligi, elimizdiń Memle­kettik qyzmet isteri agenttigi jáne Qazaqstannyń HR-mened­jerleri qaýymdastyǵymen bir­lesip uıymdastyrǵan, jyl saıyn­ǵy úshinshi onlaın konfe­rensııa, onda memlekettik qyz­mettiń ózekti taqyryptary tal­qylanady.

«Búginde memlekettik qyzmet menedjmenti zamanaýı tehnologııalar men basqarýdyń ja­ńa ádisterin qoldanady, bul onyń ıkemdi, azamattarǵa baǵ­darlanǵan jáne ashyq bolýy­na múmkindik beredi», dedi As­tana memlekettik qyzmet haby basqarýshy komıteti tóraǵasy Álıhan Baımenov.

Ol elder arasynda bilim men tájirıbe almasýdyń mańyz­dylyǵyn atap ótip, sıfrlan­dyrý jáne memlekettik qyzmet menedjmenti boıynsha álem moıyndaǵan kóshbasshy Koreıa úki­metine óz tájirıbesimen bóli­sýge únemi daıyn ekendigi úshin alǵys bildirdi.

Koreıa Respýblıkasy Per­sonaldy basqarý mınıstri Kım Son Ho memlekettik qyzmetke sıfr­ly ınnovasııalardy en­gizý­diń mańyzdylyǵyn atap ótti.

«Búginde biz COVID-19 ór­shýimen jedeldetilgen san­dyq transformasııanyń úlken tol­qy­nyna tap boldyq. Biz­diń mı­nıs­trlik jasaıtyn sıfr­ly reformalar, onyń ishin­de e-Saram ázirlemesi koreı úki­metiniń negizgi saıası min­det­teriniń birin iske asyrýǵa, atap aıtqanda álemdegi barlyq derekterdi biriktiretin úzdik sandyq platforma qurýǵa yqpal etedi», dedi ol.

Mınıstr sondaı-aq, onyń ve­domstvosy memlekettik bas­qarýdy damytýǵa bel­sen­di úles qosyp, bilgen-túı­genderimen halyqaralyq qoǵam­dastyqpen bólisýdi jalǵas­tyratynyn, atap aıtqanda, As­tana memlekettik qyzmet habyn qoldaıtynyn jáne Ortalyq Azııa elde­rimen yntymaqtastyqty nyǵaı­ta­ty­nyn atap ótti.

Memlekettik qyzmet isteri agenttigi tóraǵasynyń orynbasary Azamat Jolmanov otan­dyq memlekettik qyzmettiń sıfr­­landyrý salasyndaǵy je­tistikterimen bólisti, sondaı-aq tájirıbe almasý úshin osyndaı is-sharalarǵa qatysýdyń mańyzdylyǵyn atap ótti.

Konferensııa barysynda Ońtústik Koreıa spıkerleri e-Saram platformasyn tanys­tyryp, Koreıa Respýblıkasy perso­naldy basqarý mınıstrli­giniń jyldyq esebiniń túıin­demesin usyndy.

Belgııanyń ozyq tájirı­besin BOSA federaldy memle­kettik qyzmeti sıfrly transformasııa basqarmasynyń óki­li baıandady. Sonymen qa­tar Grýzııanyń Memlekettik qyzmet bıýrosy, Qazaqstannyń Mem­lekettik qyzmet agenttigi jáne О́zbekstannyń memlekettik qyz­metti damytý agenttiginiń spıkerleri memlekettik qyzmetti sıfrlandyrýdyń baǵyttary, qazirgi syn-tegeýrinder men perspektıvalar týraly aıtyp berdi. Qyrǵyzstannyń Mem­lekettik qyzmet isteri jáne jer­­gilikti ózin ózi bas­qarý jó­nindegi memlekettik agent­tigi­niń spıkeri Sanarip Aimak plat­­formasy týraly aıtyp, óz eliniń tájirıbesine toqtaldy. Semınarda aıtylǵan mańyzdy ıdeıalardyń biri sıfrlandyrý dáýirinde birinshi kezekte adamdardyń múddelerine erekshe nazar aýdarý boldy.

Atalǵan elderdiń tájirı­besi konferensııaǵa qatysý­shylardyń úlken qyzyǵýshy­lyǵyn týdyrdy. Bul pandemııa kezinde álemde memlekettik qyzmettiń tıimdiligin qam­ta­masyz etý úshin sıfrly ın­no­vasııalardyń mańyzy edáýir artqandyǵyna baılanysty.

Barlyq spıkerler sondaı-aq habtyń ozyq praktıkalardy ilgeriletýdegi, qatysýshy elder, áriptester jáne sarap­shylar qa­ýym­dastyǵy arasynda tájirıbe men bilim al­ma­sýdaǵy rólin erekshe atap ótti. Hab óz kezeginde qa­ty­­sýshy elder memlekettik organ­daryn mem­qyzmetti ın­no­vasııalyq damy­týda jáne adam resýrstaryn basqarý tıim­­­­­­diligin arttyrý úshin sıfr­ly quraldardy iz­deýge ba­ǵyt­talǵan kúsh-jigerin qol­daý­da bel­sendi jumys júr­gi­zý­di jal­ǵas­tyrýda.

Sońǵy jańalyqtar

Uqsas jańalyqtar