Qarjy • 04 Shilde, 2022

О́nerkásiptik paıdalanýǵa berdi

10 ret kórsetildi

Ulttyq bank Tólem kar­tochka­larynyń bank­ara­lyq júıesin ónerkásiptik paıdalanýǵa qosqanyn habarlaıdy. Bul júıe Qazaqstan aýmaǵynda tólem kartochkalary arqyly jasalatyn bankaralyq tranzaksııalardy óńdeýge arnalǵan.

TKBJ-ny qurý jáne ony iske qosý – tólem kartochkalary naryǵynyń qaýipsizdigin jáne úzdiksiz jumys isteýin, qazaqstandyq bankter úshin ishki esep aıyrysýlardyń kepildigin qamtamasyz etedi.

Júıeni ázirleý Visa, Mastercard jáne UnionPay halyq­aralyq tólem júıelerimen jáne tólem kartoch­kalarynyń naryǵyna qatysýshy banktermen ózara tyǵyz baılanysta júzege asyryldy.

Tólem kartochkalarynyń bank­aralyq júıesin qurý aıasynda jer­gilikti kartochkalyq ınfraqurylym jasalyp, tıisti normatıvtik quqyqtyq baza qalyptastyryldy. Sonymen birge qazaqstandyq bankter emıssııala­ǵan tólem kartochkalary boıynsha jer­gilikti operasııalardy óńdeýdi uıym­dastyrý boıynsha halyqaralyq tólem júıelerimen kelisimder jasaldy.

Qazirgi ýaqytta júıege tólem kartochkalarymen qyzmet kór­setetin bankter qosyl­ǵan. Bank­terdiń jergilikti kartoch­kalyq tranzaksııalarynyń trafıgin aýdarý, onyń ishinde bank júıelerin beıimdeý jáne halyqaralyq tólem júıelerimen ózara is-qımyl proses­terin qaıta baptaý boıynsha qajetti jumystar júrgizildi.

TKBJ operatory – «Qazaq­stan Respýblıkasy Ulttyq banki­niń Qazaqstan bankaralyq esep aıy­rysý ortalyǵy» RMK ataýly enshiles uıymy.

Sońǵy jańalyqtar

Uqsas jańalyqtar