Búgin elimizdiń basym bóliginde aptap ystyq bolady

«El aýmaǵynyń basym bóligine ońtústik sıklon jáne onymen baılanysty atmosferalyq fronttar áser etedi, olarmen jańbyr kútiledi, soltústik-batysta qatty jańbyr jaýady, naızaǵaı, jeldiń kúsheıýi, daýyl, batysta, soltústikte, ońtústik-shyǵysta burshaq, ońtústikte, ońtústik-batysta, soltústikte shańdy daýyl bolady. Qazaqstannyń tek shyǵys bóligi ǵana antısıklon jotasynyń yqpalynda bolady, bul jaýyn-shashynsyz aýa raıyn saqtaıdy», delingen habarlamada.

Atap aıtqanda, Aqtóbe oblysynda túnde ortalyǵynda, kúndiz shyǵysynda qatty jańbyr jaýady.

Kúndiz Almaty, Jetisý, Qaraǵandy oblystarynyń basym bóliginde qatty ystyq bolýy múmkin.

Qyzylorda, Abaı oblystarynyń basym bóliginde, Túrkistan oblysynyń soltústiginde, shóldi aýdandarynda, Ulytaý oblysynyń ońtústik-batysynda, Qaraǵandy oblysynyń ońtústik-shyǵysynda, Jambyl oblysynyń ońtústiginde, Pavlodar oblysynyń ortalyǵy men batysynda, Almaty oblysynyń soltústiginde tótenshe órt qaýpi saqtalady.

Aqmola oblysynyń ońtústik jartysynda, kúndiz basym bóliginde naızaǵaı oınaıdy. Kúndiz oblystyń batysynda, ortalyǵynda burshaq, daýyl, shańdy daýyl boljanady.

Aqtóbe oblysynyń túnde ortalyǵynda, kúndiz shyǵysynda qatty jańbyr jaýady. Túnde ońtústiginde, kúndiz oblystyń soltústiginde, shyǵysynda naızaǵaı jarqyldaıdy.

Atyraý oblysynda batysynda, soltústiginde, shyǵysynda naızaǵaı oınaıdy. Kúndiz oblystyń shyǵysynda, batysynda, soltústiginde jáne ortalyǵynda soltústik-batystan jel soǵady, ekpini 15-20 m/s jetedi.

Nur-Sultan qalasynda tańerteń jáne kúndiz naızaǵaı oınaıdy. Shyǵystan, soltústik-shyǵystan jel soǵady, keı ýaqytta ekpini 15-20 m/s jetedi.

Túrkistan oblysynyń taýly aýdandarynda naızaǵaı oınaıdy. Tańerteń jáne kúndiz oblystyń soltústiginde, batysynda shańdy daýyl soǵýy múmkin. Shymkentte kúndiz soltústik-batystan, batystan jel soǵady, ekpini 15-20 m/s bolady.

Mańǵystaý oblysynyń batysynda, soltústiginde, ortalyǵynda naızaǵaı, burshaq bolady. Oblystyń shyǵysynda shańdy daýyl soǵady.

Qostanaı oblysynyń ońtústiginde, shyǵysynda, soltústiginde naızaǵaı, burshaq, daýyl bolady. Soltústik-shyǵystan jel soǵady, túnde oblystyń ońtústiginde, shyǵysynda ekpini 15-20 m/s, kúndiz oblystyń basym bóliginde 15-20 m/s jetedi.

Pavlodar oblysynyń batysynda, ońtústiginde naızaǵaı oınaıdy. Shyǵystan jel soǵady, kúshi naızaǵaı kezinde 15-20 m/s. Oblystyń ortalyǵynda, batysynda tótenshe órt qaýpi saqtalady. 

Soltústik Qazaqstan oblysynyń basym bóliginde jańbyr jaýady. Oblystyń soltústiginde, batysynda naızaǵaı jarqyldaıdy.

Jambyl oblysynyń shyǵysynda, taýly aýdandarda qatty jańbyr jaýady. 4 -5 shildede soltústik-batys, batystan jel soǵady, oblystyń ońtústik-batysynda, soltústik-shyǵysynda, taýly aýdandarda jel 15-20 m/s jyldamdyqpen soǵady.

Batys Qazaqstan oblysynyń soltústik-batysynda, shyǵysynda naızaǵaı, burshaq, daýyl bolady. Jel soltústik-batystan soǵady, kúndiz oblystyń soltústik-batysynda, shyǵysynda jeldiń ekpini 15-20 m/s bolady.