Oqıǵa • 04 Shilde, 2022

Oqýshylardy buryn sottalǵan adamdar tasymaldaǵan – Bas prokýratýra

15 ret kórsetildi

Bas prokýratýra bilim berý mekemeleriniń balalardy tasymaldaý qyzmetterin usyný sapasy men qaýipsizdigin taldaý aıasynda kóptegen zańbuzýshylyqty anyqtady, dep habarlaıdy Egemen.kz vedomstvonyń baspasóz qyzmetine silteme jasap.

Atap aıtqanda, júrgizýshi kýáliginiń merzimi ótip ketken, qajetti júrgizý sanaty jáne tasymaldaýshynyń jolaýshylar aldyndaǵy jaýapkershiligin mindetti saqtandyrýy joq júrgizýshilerdiń balalardy tasymaldaǵan faktileri tirkeldi.

«Jekelegen óńirlerde oqýshylardy tasymaldaýǵa buryn qylmystyq jaýaptylyqqa tartylǵan jáne balalarmen jumys isteýge quqyǵy joq adamdar jiberilgen. Keı avtobýstar reıs aldyndaǵy tehnıkalyq qarap-tekserýden, al júrgizýshiler medısınalyq kýálandyrýdan ótpegen», delingen Bas prokýratýra habarlamasynda.

Jalpy avtobýs parkiniń jaı-kúıi, olardyń materıaldyq-tehnıkalyq jabdyqtalýy (órt sóndirgishterdiń, qaýipsizdik beldikteriniń, jarqyldaýyq maıaktardyń, «Balalardy tasymaldaý» taqtaıshalarynyń bolmaýy jáne t.b.) qaýipsizdik talaptaryna sáıkes kelmeıdi dep tanyldy.

«Osy jylǵy 28 sáýirde Bas prokýratýra Bilim jáne ǵylym mınıstrliginiń atyna prokýrorlyq qadaǵalaý aktisin engizdi, ony qaraý nátıjeleri boıynsha jol berilgen buzýshylyqtar úshin 93 adam (onyń ishinde mektep dırektorlary, balabaqsha meńgerýshileri, ákimdikter qyzmetkerleri) tártiptik jaýaptylyqqa tartyldy», delingen habarlamada.

Avtoparkty jańartý jáne balalardy tasymaldaý úshin óńirler mektepterin avtobýstarmen qamtamasyz etý jumystary bastaldy. Ákimdikter 515 jańa avtobýsty, olardyń bir bóligin aldaǵy oqý jylyna qaraı satyp alýdy josparlap otyr.

Sonymen qatar Oqý-aǵartý mınıstrligi qazirgi ýaqytta Ishki ister mınıstrligimen birlesip tasymaldaýdyń (mektep kóligimen) qaýipsiz jaǵdaılaryna oqýshylar quqyqtarynyń saqtalýy belgisine tekserýler júrgizilip jatyr.

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar