Atalǵan sharaǵa uıytqy bolǵan – qala arhıvi men Prezıdent arhıvi. Qos mekeme birlesip qundy qujattar men tarıhı fotosýretterdi kópshilikke usyndy. Qala hronologııasynan syr shertetin shejireli derekter jıylǵan qaýymnyń ystyq yqylasyna ıe boldy.
Kórme barysynda Nur-Sultan qalasynyń memlekettik arhıvi men Prezıdent arhıvi arnaıy daıyndaǵan «Istorııa stolısy nezavısımogo Kazahstana v arhıvnyh dokýmentah» qujattar jınaǵynyń tusaýkeser rásimi ótti. Jınaqta el astanasynyń Almatydan Aqmolaǵa kóshirilý naýqany, onyń memlekettiń basty saıası ortalyǵy retinde qalyptasý kezeńi kórsetilgen. Sondaı-aq Prezıdent arhıviniń, Ulttyq arhıvtiń, Nur-Sultan qalasy memlekettik arhıviniń jáne Ortalyq memlekettik kıno-fotoqujattar jáne dybys jazbalary arhıviniń qujattary jınaqtalǵan.
Ashylý saltanatynda sóz alǵan Prezıdent arhıviniń dırektory Álııa Mustafına bul basylymda elordany kóshirý kezindegi júzege asyrylǵan aýqymdy jobalardyń nátıjeleri men Aqmola qalasynyń tarıhyna qatysty naqty derekterdiń mol ekenin atap ótti. Ári osy jıyndy ótkizýge birlesip atsalysqan qalalyq arhıv ujymyna alǵysyn bildirdi.
Kórmege qatysýshylar 1832 jyly Aqmola okrýgtik buıryǵy shyqqannan bastap qazirgi Qazaqstan astanasynyń búginge deıingi tarıhymen tanysty. Is-shara Astana kúnine oraı uıymdastyryldy.
