Jalǵan shot-faktýra jarǵa jyqty...

Qarjylyq monıtorıng agent­tiginiń Pavlodar oblysy boıyn­­sha departamentiniń qyzmetker­leri shot-faktýralardy zańsyz jazyp berý faktileriniń jolyn kesip, tergeý barysynda V.Legın jáne S.Ryjakov esimdi azamattar­dyń jal­ǵan tulǵalarǵa resimdelgen 13 kom­panııa qurǵanyn anyq­ta­dy. Olar materıaldyq paıda tabý maqsatyn­da 2019 jyldan bastap 2021 jylǵa deıingi kezeń­de kompanııalardyń atynan bir­qa­tar zańdy tulǵaǵa jalpy somasy 6,5 mlrd teńgege jalǵan shot-faktýralar jazyp ber­gen. Pysy­qaılardyń qylmystyq áre­­­­ketteriniń saldarynan mem­le­ket­ke tólenbegen salyq túrinde 2 mlrd teńgeden astam somaǵa zalal kelgen.

Sot ekeýin de kináli dep ta­ýyp, 2 jyl 9 aıǵa bas bostan­dyq­tarynan aıyryp, Legınnen 13 mln teńgeden astam aqsha tárkileý týraly úkim shyǵardy.

Alaıaqtardan kóbine zeınet­ker­ler zardap shegip jatady. Máselen, byltyr mynadaı «qy­zyq» qylmys tirkelgen edi. Pav­lo­darlyq turǵyn kórshi zeınet­kerdiń atynan 2 mln teńgege iPhone uıaly telefon alýǵa nesıe resim­degen. Jedel izdestirý sharalaryn júrgizý barysynda Lenın kentiniń 22 jastaǵy turǵyny ustaldy. Oblystyq polısııa de­par­tamenti baspasóz qyzmetiniń máli­metinshe, 63 jastaǵy zeınetker óziniń atyna onlaın nesıeni zańsyz resimdeý týraly ótinishpen polısııaǵa júgingen. Tergeý barysynda jas jigit áńgimelesip turǵan kezde áıelden onyń jeke kýáligin surap, uıaly telefo­nyna sýretke túsirgen. Sondaı-aq onlaın-bankterdegi ne­sıeni resimdeý kezindegi talapqa sáı­kes tutynýshynyń bet álpetin de túsirip, gadjetine saqtap alǵan. Sodan keıin aqparattardy paıdalana otyryp, zeınetkerdiń atyna onlaın dúkenderdiń birinde iPhone 12 PRO Max 2 uıaly telefonyn satyp alýǵa onlaın nesıe resimdegen. Shyǵyn shamamen eki mıllıon teńgeni qurady.

Elimizdegi keıbir shaǵyn nesıe uıymdarynan qaryzǵa aqsha alý úshin ol jerge barýdyń qa­jeti joq. Keıde menedjerge WhatsApp arqyly jeke kýáliktiń fotosyn jiberý jetkilikti. Bul siz­diń qujatyńyz ba nemese basqa bireýdiń qujaty ma eke­ni mańyzdy emes, aqsha nemese ta­ýar sizge báribir beriledi. Qu­qyq qorǵaý organdary osyndaı keleń­sizdikterdi boldyrmaý úshin jeke kýálikti, tólqujatty, bank kartalaryn bóten azamattar­dyń qoly jetpeıtin jerlerde saqtaýǵa keńes beredi. Belgisiz tul­ǵalarǵa derbes derekterdi ber­meý, taýarlarǵa nemese qyzmet­terge telefon arqyly tapsyrys berý kezinde DSN-kodty, SMS-kodtardy bermeýdi eske salady. Bóten deımiz-aý, keıde jaqyn týystyń ózi ákki áreketin júzege asyryp, nesıe resimdegen oqıǵalardy talaı estidik. Ne desek te, barynsha saq bolyńyz!

Pavlodar oblysy