Kitaphanashylardyń jalaqysy az

Ámbebap kitaphana Qazaq­standaǵy tarıhı-mádenı ny­san­dardyń biri sanalady. Onyń ashylýy 1883 jyly murajaı ornalasqan oblystyq statıstıka komıtetiniń ǵımaratynda ótken edi. Uzaq jyldar kitaphananyń turaqty oqyrmandarynyń qatarynda uly shaıyr Abaıdyń ózi bolǵan. Táýelsizdik alǵannan keıin 1992 jyly kitaphanaǵa hakimniń esimi berildi. Qazir munda 8 bólim, 39 kitaphanashy jumys istep keledi.

Kitaphana qorynda 385 myńnan astam kitap bar, onyń qundy málimetterine 19 myńnan astam oqyrman qanyǵyp júr. Kitap berý kólemi jylyna 400 myń­ǵa jýyqtaıdy. Jyl saıyn kitap­hanada 400-ge jýyq túrli mádenı is-shara uıymdastyrylyp keledi.

Kezdesý barysynda depýtattar júrgizilip jatqan jumystar men jańadan qurylǵan Abaı obly­synda birinshi kezekte sheshilýge tıis birneshe máselege toqtaldy.

Kitaphana qyzmetkerleri óz tarapynan birqatar qordalanǵan problemany jetkizdi. Atap aıtqanda, kitaphana júıesin sıfr­landyrý, jalaqyny arttyrý, sol sekildi jas mamandarǵa qo­laı­ly jaǵdaılar jasaý sala­daǵy kún tártibindegi máse­le­ler­diń qa­ta­rynda. Sondaı-aq kitap­hana týra­ly zań qabyldaý qajet­tigi týra­ly usynystar da aıtyldy.

Budan bólek, depýtattarǵa kitaphanalar, muraǵattar jáne iri kompanııalarǵa arnalǵan jappaı sıfrlandyrý jobalaryn júzege asyrýǵa septesetin arnaıy avtomatty kitap skanerleriniń jetispeýshiligi týraly aıtyldy. Qazir úlken kitaphana qoryndaǵy tek 5,5 myńnan astam kitap qana sıfrlandyrylǵan.

Kitaphanada aýqymdy kitap qory bolǵanymen, qajetti tehno­logııanyń tapshylyǵynan bir­qatar qıyndyq týyndap otyr. Aı­talyq, XIX ǵasyrda jaryq kór­gen kóptegen jýrnal men kitap áli sıfrlandyrý prosesinen ótki­zilmegen. Bul tutastaı kitap­ha­nanyń sıfrly turǵyda damýyna keri áserin tıgizip otyr.

Abaı oblysy