Álem • 07 Shilde, 2022

Álemde ashtyqtan japa shekkender kóbeıdi – BUU

252 ret

kórsetildi

1 mın

oqý úshin

Adamzat 2030 jylǵa qaraı ashtyqtan qutylamyz degen maqsatynan alshaqtap barady. BUU sarapshylary osyndaı qorytyndy jasady. Sebebi byltyr álemde 830 mıllıonǵa jýyq adam azyqpen jetkilikti qamtylmaǵan, bul - jer sharyndaǵy halyqtyń 10 paıyzy, dep habarlaıdy Egemen.kz Euronews agenttigine silteme jasap.

Gaýhar QAPASh

Álemde ashtyqtan japa shekkender kóbeıdi – BUU

2020 jylmen salystyrǵanda ashtyqqa ushyraǵandar sany 46 mıllıonǵa artty. Jalpy, pandemııa bastalǵannan beri azyq-túlik jetispeýshiliginen zardap shekkender sany 150 mıllıonǵa ósken.

«Biz kedeıshiliktiń shegine jetip qalǵanyn kórip otyrmyz, onymen kúresý úshin ondaǵan jyldar boıy júrgizilgen kúsh-jiger bosqa ketti. Álemde baılar men kedeıler arasyndaǵy alshaqtyq ulǵaıyp barady. Erekshe alańdaýshylyq týdyratyn jaıt - adamdardyń qalypty tamaqtanýǵa múmkindiginiń joqtyǵy», dedi Azyq-túlik jáne aýyl sharýashylyǵy uıymynyń (FAO) bas ekonomısi Maksımo Torero.

Azyq-túliktiń jetispeýshiligi Azııa, Afrıka, Latyn Amerıkasy jáne Karıb basseıninde baıqaldy. Qazir álemde jaǵdaı kúrt nasharlady. Eger ózgeris bolmasa, 2030 jyly 670 mıllıon adam ashtyqqa ushyraıdy, bul - shamamen 2015 jylǵy kórsetkishpen teń.