ShQO polıseıleri oblys prokýratýrasymen ózara is-qımyl júrgizip, QR IIM arnaıy bólimsheleriniń qatysýymen esirtki zattarynyń zańsyz aınalymynyń jolyn kesýge baǵyttalǵan arnaıy is-sharalar keshenin ótkizdi. Nátıjesinde, áleýmettik jeliler men ınternetke júrgizilgen monıtorıng nátıjesinde sıntetıkalyq zattardyń taralýyna qatysy bar saıttar anyqtaldy.
Máselen, О́skemen qalasynda sıntetıkalyq esirtkiniń tasymalymen aınalysqan 10-nan astam adamnan turatyn top anyqtaldy.
ShQO PD bastyǵynyń orynbasary polısııa polkovnıgi Talǵat Shaıahmetov atap ótkendeı, qajetti dálelder bazasyn jınaýǵa jáne kúdiktilerdi ustaýǵa birneshe apta qajet boldy. Ustalǵandar týraly aqparat qylmystyq tizbektiń basqa qatysýshylaryna jetpeýi úshin kúdiktilerdiń árqaısysy bólek ustaldy. Olardan sıntetıkalyq esirtkiniń 220-dan astam bir rettik dozasy jáne «ekstazı» dep atalatyn 80 tabletka tárkilendi.
Olardyń áreketi QR QK 297-babynyń 3-bóligi boıynsha saralanady. Atalǵan baptyń sanksııasynda 10 jyldan 15 jylǵa deıingi merzimge bas bostandyǵynan aıyrý jazasy kózdelgen.
