Bilim • 07 Shilde, 2022

UBT-nyń ornyna jazbasha emtıhan tapsyrýǵa bola ma?

41 ret kórsetildi

Ulttyq testileý ortalyǵynyń dırektory Rýslan Emelbaev UBT-nyń ornyna jazbasha emtıhan tapsyrýǵa bola ma? degen suraqqa jaýap berdi, dep habarlaıdy Egemen.kz.

«Bizdiń ortalyqtyń basty maqsaty – emtıhandy adal ótkizý. Akademııalyq adaldyq – qazirgi tańda qoǵamdaǵy eń ózekti máseleniń biri. 2019 jyly testke kirgenderden 128 myń tyıym salynǵan zat alynsa, bıyl 400 ese azaıyp otyr. Bul ashyqtyqtyń nátıjesi dep oılaımyn», dedi Rýslan Emelbaev.

Sondaı-aq ol bıylǵy testileý suraqtarynyń sapasyna kóp kóńil bólingenin jetkizdi.

«UBT nátıjesi boıynsha eń kóp syn men daýǵa qalatyn pán - Qazaqstan tarıhy edi. Qazirgi suraqtar jattaýdan góri fýnksıonaldyq saýatqa beıimdeligen. Al jazbasha emtıhan júıesine kóshý máselesi meniń quzyretime kirmeıdi. Bizdiń mindet – qazirgi UBT-nyń ashyq ári adal ótýin, ondaǵy suraqtardyń sapaly bolýyn qamtamasyz etý», dedi Ulttyq testileý ortalyǵynyń dırektory.

Sońǵy jańalyqtar

Uqsas jańalyqtar