Astana kúnine arnaldy

Astana uly ekonomıkalyq daǵ­da­rys jyldarynda elimizdiń sharýa­shylyǵynyń jandanýyna uıytqy bolǵan lokomotıv bolǵanynan bastap, rýhanı, mádenı, ulttyq jańǵyrýdyń týyna aınalǵan aqjoltaı qala bolǵan­y týraly áńgimeler de kóp aıtyldy. Tipti 1994 jyldyń 6 shildesindegi Joǵarǵy Keńestiń (Parlamenttiń) otyrysyna sol kezdegi Prezıdent N.Nazarbaev astanany Almatydan Aqmolaǵa kóshirý týraly usynyspen kelgende oǵan qarsy bolǵandar kóp bolyp, usynys ótpeı qala ma degen kúdik týǵanda spıker Ábish Kekilbaev: «Búgin Prezıdenttiń týǵan kúni eken, oǵan jasaǵan syıymyz bolsyn, usyny­syn maquldaıyq», degen utymdy oı tas­tap, Memleket basshysynyń sózin sol kezdegi asaý depýtattardyń maquldaýyna kóndirgeni sııaqty qyzyq­ty oqıǵalar da eske alyndy. As­tanamyzdyń ár jyldardaǵy jetis­tikteri, álemdik qala retinde tanylǵan tabystary da atalyp ótti. 70-ten astam eldiń ókilderi qatysqan EQYU-nyń 2011 jylǵy astanadaǵy sammıtti, EKSPO-2017 halyqaralyq kórmesin, «Týr de Franstyń» júldesin talaı ret jeńip alǵan «Astana» velokomandasynyń jeńisterin jáne t.b. minberge shyqqandar kezekpen eske alyp, ózderiniń astanamen maqtanatynyn jarysa aıtyp jatty. Jergilikti aqyndar Maral Imanbaeva, Samrat Quskenov, Kostıa Kraft jáne basqalar ózderiniń astanaǵa arna­ǵan óleńderin oqydy. «Net v mıre takoı zemlı, Chem nash prekrasnyı Kazahstan» degen joldary bar Kos­tıanyń óleńine kórermender uzaq qol soqty. Ánshi Abylaıhan Aqmaǵanbet Sákenniń «Kókshetaý», Úkili Ybyraıdyń «Gákký» ánderin tamyljyta oryndady. Qarttar arasynan osy kitaphanadaǵy ádebıet úıirmesiniń músheleri Nadejda Konovalova, Lıýbov Sıdorova degen ájeıler de óleńderin oqydy. Olardyń óleńderindegi «Vsegda-vsegda, Ty mne nýjna, moıa astana» nemese «My chýdo stolıseı svoeı Gordımsıa na vek» degen sııaqty jol­dar da patrıottyq sezimderdi asqaq­tatyp turdy.

PETROPAVL