Aıadaı aýyldan chempıondar jıi shyǵa bermeıdi. Sodan bolar, aýdan ákimi bastaǵan barsha tereńkóldikter kók týdy jelbiretip, Marınany tik turyp qarsy aldy. Jas álem chempıonyna laıyqty qurmet kórsetilip, aýdan ákimdigi atynan 100 myń teńge syıaqy tabystaldy. Bapkeri Azamat Abdrahovqa 50 myń teńge berildi. Jattyqtyrýshy óz sózinde: «Kishkentaı aýyldan úlken sportshylar shyǵatynyn dáleldedik. Aýdanymyzda sportty damytý jumystary júıeli jalǵasa berse, áli talaı chempıondar shyǵady», dedi. О́z kezeginde jańabettikter aýyl jastary bos ýaqytynda zııandy áreketterge barmaı, sport zalynan tabylatynyn, bul rette jattyqtyrýshylardyń eńbegi zor ekenin atap ótti.
Qyrǵyzstan astanasynda ótken Álem birinshiligine Qazaqstan, Reseı, Belarýs, О́zbekstan, Qyrǵyzstan, Úndistan, Pákistan jáne Mońǵolııa memleketterinen 200-den astam sportshy qatysqan. Marına Feıstova 58 keli salmaqta julqı kóterý jattyǵýynda top jarsa, uzaqmerzimdi (sıkldy) kóterý baǵdarlamasynda qolaǵa qol jetkizdi. Marına zor qurmet úshin jerlesterine alǵysyn bildirip, bolashaǵyn úlken sportpen baılanystyrǵysy keletinin aıtty. Tek alǵa, Marına!
Pavlodar oblysy,
Tereńkól aýdany
