Koronavırýs qaıta kúsheıdi

Máselen, Eýropaǵa kelgen­derge in­det­­tiń saldarynan qa­byl­danýy yqtı­mal karantındik shek­teýler demalys­taryna, saparyna kedergi keltirýi múmkin ekeni eskertilmek. Keıbir eldiń densaýlyq saqtaý mekemele­ri adam kóp jınalatyn oryndarda maska taǵýdy, sondaı-aq basqa da shek­teý sharalaryn qaıta en­gizýge shaqyrdy.

Atap aıtqanda, týrıster kóp baratyn elderde – Grekııada, Ispanııada, Fransııada, Germa­nııa­da vırýs juq­tyrǵandar sany kún sanap kóbeıip keledi. Odan qala berdi, Marokko, Týnıs, Karıb teńizi araldary sekildi jıhankezderdi qyzyqtyratyn óńir­lerde de indet qaıta kúshine mindi.

Grekııada 18 ben 24 jas ara­ly­­ǵyndaǵy turǵyndar arasynda naý­qas­tanǵandar óte kóp. Den­saýlyq saq­taý mınıstrliginiń habarlaýynsha, jańa jaǵdaılar tanymal týrıstik aımaq­tarda shoǵyrlanǵan. О́tken aptada bir táý­likte 12 myńǵa jýyq ınfeksııa juq­tyrǵan adam tirkeldi. Bul aldyńǵy apta­men salystyrǵanda shamamen úsh esege kóp.

Ásirese Ion teńizindegi Kor­fý, Sefalonııa jáne Zakın­tos aral­da­rynda dertke shal­dyqqandar kó­beıgen. Krıt, Attıka aımaǵy, onyń ishin­de Grekııa astanasy Afına, oń­tús­tik Egeı, Mıkonos jáne Paros sekil­di araldar, sonymen qatar Rodos pen Kos araldary da qaýip­ti deńgeıde qalyp otyr.

Grekııa mamyr aıynda ko­ronavırýsqa qarsy qabyldan­ǵan sharalardan bas tartqan. Degenmen, qoǵamdyq jabyq oryn­darda, sonyń ishinde aýrýhana­larda, qoǵamdyq kólikterde jáne krýızdik kemelerde betperde kııý áli de mindetti.

Sarapshylar dertke shal­dyq­qan­dar sany áldeqaıda kóp bolýy múm­kin ekenin aıtyp otyr. О́ıtkeni tur­ǵyndar bu­ryn­ǵydaı emes, test tapsyrýǵa qu­lyq­ty emes. Sondyqtan vırýs juqtyr­ǵandar ony bilmeı júre berýi múmkin.

Ispanııada aýyrǵandar sany ót­ken aımen salystyrǵanda 60 paıyzǵa ósken. Biraq jyl ba­syndaǵy jaǵdaıǵa áli jete qoı­ǵan joq. Maıorka, Ibısa, Menorka jáne Formentera araldaryn­da naýqastar kóbeıgen. Bul mańda «Omık­­­ron» shtamynyń BA.5 nusqasy keń ta­­ralǵan. Osyǵan baılanysty dári­ger­­ler jaǵdaı ýystan shyǵyp ketýi múm­­­kin eke­nin aıtyp dabyl qaǵyp jatyr.

Fransııada eki aptadan astam ýaqyt ishinde naýqastar sany 80 paıyzǵa ósken. Biraq shekteýlerdi qaıta engizý josparyn halyq qoldamaıdy. Taıaýda ǵana maska taǵý mindettemesi aly­nyp tastalǵan-dy. Densaýlyq saq­taý mınıstri Brıjıt Býrgınon halyq­tyń qoǵamdyq kólikte jáne basqa adamdar kóp jınalatyn jerlerde betperde taǵaýdy usyndy.

Sondaı-aq Italııada, Por­týga­lııada da indet qaıta órship keledi. Osy­ǵan baılanysty atalǵan elder­diń den­saýlyq saqtaý salasy mamandary erterek qam­daný qajet ekenin aıtady.