«Qasıetti Qurban aıt – musylman jurtshylyǵynyń ulyq merekesi. Aıt sózi «ál-ǵıdý» sózinen shyǵyp, mereke, meıram, qýanysh degen maǵynalardy bildiredi. Qasıetti «Qurban aıt» kúni musylman adam aıt namazyn oqyp, qurban shalyp, aıt merekesimen ózgelerdi quttyqtap, qaıyrymdy ister atqarýǵa tyrysady. Bul kúnderdi ulyqtap, adamdarǵa qýanyshty kóńil-kúı syılaý – izgilik belgilerinen», dep Bas múftı Naýryzbaı qajy Taǵanuly ulyq meıramnyń ádepterine jeke-jeke toqtaldy.
Budan keıin QMDB Tóraǵasy meshit aýlasynda ótkizilip jatqan asyq atý, arqan tartys, qol kúres jáne gir tasyn kóterý syndy sport túrleriniń kýási boldy.
Sondaı-aq kıiz úıde arnaıy jaıylǵan dastarqannan dám tatyp, kelgen qonaqtarǵa batasyn berdi.
«Qurban aıt merekesine arnaıy uıymdastyrylatyn sporttyq is-sharanyń negizgi maqsaty – meshit jamaǵaty arasynda dene shynyqtyrý men sportty, salaýatty ómir saltyn nasıhattaý. Sonymen qatar Islamnyń dástúrli emes aǵymynyń jeteginde júrgen jandarǵa asyl dinniń oń jolyn kórsetý arqyly olardy baýyrǵa tartý», dep atap ótti uıymdastyrýshylar.
«Qurban Aıt» – musylmandardyń eń mańyzdy merekeleriniń biri, ol Oraza aıaqtalǵannan keıin 70-kúni toılanady. Bıyl Qurban aıt shildeniń 9-y kúni bastalyp, úsh kúnge jalǵasady.
Is-shara sońynda ulyq merekeniń jeńimpazdaryna alǵys hat pen estelik syılyqtar tabystaldy.
