Sozaq aýdandyq polısııa bóliminiń 102 pýltine mekemelerdiń biriniń basshysynan habarlama túsken. Onda onyń qyzmetkeriniń biri esirtki paıdalanatynyn aıtqan. Atalǵan jaıtty polısııa qyzmetkerleri QR QK-niń 296-baby boıynsha tirkeýge aldy.
«Habarlama kelip túsken boıda tártip saqshylary qylmysty ashý maqsatynda qajetti sharalardy júzege asyrdy. Tekserý barysynda kúdiktiniń qaltasynan túsken Parlament temekisiniń qorabynda aq qaǵazǵa oralǵan esirtki zatyna uqsas ósimdik tabyldy. Sondaı-aq onyń jeke basyn tintý kezinde syrt kıiminiń qaltasynan esirtkige uqsas zat shyqty», delingen habarlamada.
Polıseıler alynǵan zatqa saraptama taǵaıyndady, nátıjesinde onyń gashısh esirtkisi ekendigi belgili boldy.
Tártip saqshylary kúdikti azamattyń buǵan deıin de birneshe ret sotty bolǵandyǵyn anyqtady. Qazirgi tańda seziktige qatysty sotqa deıingi tergeý amaldary júrgizilýde.
