«Shyǵystan» shyńǵa shyqqan

Rekord degen sózge selk et­kenińiz anyq. «Eýroazıattyq energetıkalyq korporasııa» AQ qarasty «Shyǵys» kenishiniń mashınısi bolyp eńbek etken Murat Qaıyrgeldın bir aıda rotorly ekskavatormen 700 tonna kómir shyǵarǵan! Matematıka men kómir kenishterindegi jaǵdaıdan habardar adam mundaı kórsetkishti mańdaı termen kelgenin birden túsinedi. Bul – túnde de kirpik qaqpaı jumys isteldi degen sóz. «Qazaqstannyń Eńbek Eri» ataǵy tek osy rekordtyq kór­setkish úshin ǵana berilgen joq. О́zge de nátıjeli eńbekteri jeter­lik. Kásiporynyń qoǵamdyq ómirine belsendi atsalysyp, bar bilgenin jastarǵa úıretýge degen umtylysy da baǵalanǵanyn atap ótken jón. Mártebeli marapatty el Prezıdenti Qasym-Jomart Toqaevtyń óz qolynan alyp, barsha Pavlodar jurtynyń mereıin ústem etken bolatyn. «Bilgenińdi bireýge úıretpeý – baılyq jınap, jerge kómip qoıǵanmen birdeı» deýshi me edi?! Osy rette Murat Qaıyrgeldın bıyl zeınetkerliktiń aýylyna shyqsa da, áli kúnge deıin jas áriptesterine baǵyt-baǵdar kórsetip, aqyl-keńesin aıtýdan qashqan emes.

Zeınetkerlikti sóz ettik eken, áýeli isker mamannyń ómirbaıanyna az-kem toqtalsaq. M.Qaıyrgel­dın burynǵy Krasnokýtsk aýdany Chkalov sovhozyndaǵy (qazirgi Aq­toǵaı aýdany Mútkenov aýyly) mek­teptiń 8-synybyn támam­da­ǵan soń Krasnoarmeıka (qazir­gi Pav­­­lodar aýdany Kemeńger aýy­ly) teh­nıkýmyna oqýǵa túse­di. 1978 jyly agronom maman­dyǵy bo­­ıyn­sha dıplom alyp, bir­den ásker qataryna shaqyrylady. Aza­mat­tyq boryshyn ótep kelgen soń birneshe aı týǵan aýylynda aýyl sharýashylyǵy salasynda jumys istep, 1980 jyly Ekibastuz qalasyna qonys aýdarady. «Kazpromtehmontaj» kásipornynda bes jyl qurylys­shy-montajdaýshy retinde eńbek etedi. Áriptesterimen birge ekskavatorlardy jınap, qurastyryp, óndiris oryndaryna jóneltip otyrady. Qyzyǵy sol, 1985 jyly «Shyǵys» kenishi ashylǵan kezde ózi qurastyryp, jınap júrgen ekskavatormen jańa kásiporynǵa jumysqa qabyldanypty. Sodan beri 37 jyl boıy bir salada, bir kenishte turaqty eńbek etip, zeınetkerlik jasqa shyqqan eken.

– Aǵa býyn ókilderi Marat Qurmanǵalıev, Iýrıı Zolaýt syndy bilikti mamandardan úırengenim, bilgenim kóp boldy. Keıin ózimiz de jas mamandarǵa tálimger bolyp, bar jıǵan-tergenimizben bólisip, aqyl-keńes berdik. Urpaqtar sabaqtastyǵy degen osy bolsa kerek. Jalpy, jurtshylyqtyń qatty otynnan taryqpaýy, qysta búrseń qaqpaýy úshin aıanbaı eńbek ettik. Jospar boıynsha bir aıda keminde 1 mln tonna kómir óndirýimiz tıis-tin. Biz belgilengen mejeden asyp túsip, aıyna shamamen 1,5 mln tonna qatty otyndy syrtqa shyǵaryp júrdik. Bul – ońaı sharýa emes. Jyldyń mezgiline, aýa raıyna, táýlik ýaqytyna qaramastan ekskavatorlardy tizgindegender tynbaı jumys isteıdi. Turǵyndar­dy jylý, elektr energııasymen qamtý jolynda aıanyp qalmaıdy. Olardyń bul baǵyttaǵy eńbegi eren. Jastarǵa aıtarym, jumysqa adal bolý kerek. Sonda ǵana bar jaqsylyq kútpegen jerden ózi-aq keledi. Jasyratyny joq, keıbir jastar oqýyn támamdaı sala birden basshylyq qyzmetke ornalasýǵa úıir. Mol tájirıbe jınaqtap, bilikti maman bolyp qalyptassań, eńbegiń elen­beı qalmaıtynyn esten shyǵar­ma­ǵan jón, – deıdi áńgimemizdiń keıipkeri.

Iá, ataq-abyroıǵa bólený úshin basshy bolý mindetti emes. Murat Qaıyrgeldın qara­paıym brıgadır bolyp júrip, eń­begimen ózin moıyndatty. Keı­bireýler marapat alýǵa um­ty­lyp, basshylarǵa jalpaqtap, ja­ǵym­pazdanyp júretini ras. M.Qaıyrgeldınniń jumysyna berilgeni sonshalyq, Memleket basshysynyń qolynan marapat alatynyn sońǵy sátte ǵana bilgen. Qarapaıymdylyq degen osy shyǵar. Isker azamat: «Laıym elimiz aman, jurtymyz tynysh bolsyn! Naǵyz eńbek eri deıtin azamattardyń qatary jyl sa­ıyn kóbeıip, el ekonomıkasynyń qaryshtap damýyna tilektespin», dep jyly qoshtasty.

Pavlodar oblysy,

Ekibastuz qalasy