«Ulttyq statıstıka bıýrosy deregine saı, 2019 jylmen salystyrǵanda 2020 jyly adam ólimi 22 paıyzǵa ósse, keıingi jyldary da bul úderis toqtaǵan joq. Osylaısha, 2015 jyly álemdik boljamdarǵa negizdelip jasalǵan zeınetaqy reformasy Qazaqstandaǵy búgingi jaǵdaıǵa múldem saı emes. 7 jyl buryn álemde qartaıǵan adamdardyń sany ulǵaıyp, eńbekke jaramdylardyń qatary azaıady delingen edi. Alaıda pandemııa, áleýmettik-ekonomıkalyq daǵdarys bul boljamdardy teriske shyǵardy», degen edi senator.
Úkimet basshysy depýtattyń osy saýalyna oraı jaýabyn da joldady. Onda 2018 jyldan bastap áıel adamdardyń zeınetkerlik jasy jyl saıyn 6 aıǵa artyp keletini aıtylǵan. Jalpy, bul úderis kezeń-kezeńimen
10 jylda iske asyrylmaq.
«Zeınetaqy jasyn birizdendirý bıýdjet qarajatyn únemdeý úshin emes, laıyqty zeınetaqy mólsherin qamtamasyz etý úshin engizilgen. О́zińizge belgili, qazaqstandyqtar bıýdjetten bazalyq jáne yntymaqty zeınetaqysyn alady. Yntymaqty zeınetaqy azamattardyń 1998 jylǵa deıingi 2 eńbek ótili men sońǵy 3 jyldyq tabysy negizinde eseptelinedi. Nátıjesinde, jyl saıyn bul tólemniń túri kemip, jınaqtaýshy zeınetaqy úlesi ósedi. Sondyqtan zeınetaqy jasyn tómendetý zeınetaqy salymdarynyń kóleminiń kemýine jáne osy júıeden beriletin tólemderdiń de kúrt qysqarýyna alyp keledi», delingen Úkimet basshysynyń jaýabyn-
da.
Premer-Mınıstr ómir súrý uzaqtyǵynyń ósýine baılanysty zeınetkerlik jasyn kóterý úrdisi damyǵan memleketterge tán ekenin alǵa tartady. Mysaly, kórshiles Ázerbaıjan, Armenııa, Reseı, Belarýs elderinde de osyndaı bastama bar kórinedi.
«Osy ózgeristerdi esepke ala otyryp, elimizde zeınetaqy júıesiniń tıimdiligin arttyrýdyń jańa sharalary pysyqtalyp jatyr. Sonyń aıasynda zeınetaqynyń mólsherin arttyrýdy kózdeıtin zeınetaqymen qamsyzdandyrý júıesine parametrlik ózgerister engiziledi. Inflıasııa deńgeıinen 2 paıyzǵa asa otyryp, yntymaqty zeınetaqy mólsherin ındeksteý saqtalady. Jumyspen qamtý mártebesine baılanysty zeınetkerlik jasqa jaqyndap qalǵan áıelder úshin jańa qoldaý sharalary anyqtalady. Áleýmettik jobalarǵa tarta otyryp, jumys istemeıtin áıelderdiń zeınetaqy júıesine qatysý merzimi uzartylady. Zeınetaqymen qamsyzdandyrý júıesiniń demografııalyq trendterge jáne bıýdjet kiristerine táýeldiligin tómendetýge arnalǵan jınaqtaýdyń shartty komponentin engizý kózdelgen. Osy sharalar zeınetkerlerdiń barlyq sanattary úshin zeınetaqy tólemderiniń barabar mólsherin qamtamasyz etedi», delingen Premer-Mınıstrdiń jaýabynda.
