Tártip saqshylary esirtki qylmysymen kúresýdi toqtaýsyz jalǵastyryp keledi. Osy turǵyda Jetisaı aýdandyq polısııa bóliminiń qyzmetkerleri «Qarasora-2022» jedel-profılaktıkalyq sharasy kezinde esirtki ekken turǵyndy anyqtady. Iаǵnı, er adamnyń aýlasyn tintigen polıseıler aýladan esirtki zatyna uqsas úsh túp ósimdikti tapty. Polıseıler ósimdikti aıǵaqty zat retinde tárkilep, saraptama taǵaıyndady. Saraptama qorytyndysy onyń sora esirtkisi ekendigin rastady. Tártip saqshylary kúdikti er adamdy polısııa bólimine jetkizdi.
Anyqtalǵandaı, er adam aýdanǵa qarasty egistik alqaptyń shetinen sirińke qorabyn taýyp alǵan. Onyń ishindegi zattyń esirtki zatyna uqsas ekendigin bilip, ósirý úshin arnaıy úıine alyp kelgen. Iаǵnı, kúdikti er adam ony ózi paıdalaný maqsatynda aýlasyna ekken.
Qazirgi tańda QR QK-niń 300-baby 1-bóligi (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha kúdiktige qatysty sotqa deıingi tergeý amaldary júrgizilýde.
