Avtokólik júrgizýshisiniń aıtýynsha, ustalǵandar ony inDriver qosymshasy arqyly taksı júrgizýshisi retinde Lýgovoı aýylyna deıin alyp barý úshin jaldaǵan. Saraptama nátıjesi boıynsha tárkilengen zat jalpy salmaǵy 10,5 keli bolatyn keptirilmegen marıhýana esirtki zaty ekeni anyqtaldy.
Kúdiktiler Jambyl oblysynyń ýaqytsha ýstaý ızolıatoryna qamaldy. Osy faktige baılanysty QR QK 296-babynyń 4-bóligi boıynsha sotqa deıingi tergep-tekserý bastaldy. Jaza úsh jyldan jeti jylǵa deıingi merzimge bas bostandyǵynan aıyrýdy kózdeıdi. Eger esirtkini saqtaý jáne tasymaldaý, ótkizý maqsatyndaǵy fakti tergeýmen dáleldense, onda múlki tárkilenip, jaza on jyldan on bes jylǵa deıin bas bostandyǵynan aıyrýdy quraıdy.
«1 maýsymnan bastap «Qarasora» arnaıy operasııasy kezinde polısııa qyzmetkerleri temirjol kóliginde 44 esirtki qylmysyn anyqtady. Olardyń ishinde asa iri mólsherde esirtki ótkizýdiń úsh faktisi, kontrabandanyń bir faktisi jáne asa iri mólsherde esirtki saqtaýdyń eki faktisi bar», dedi Kóliktegi polısııa departamenti bastyǵynyń orynbasary Erlan Jalmaǵambet.
