Saltanatty rásim «Astana Opera» memlekettik opera jáne balet teatrynda ótti. Túlekterge arnaǵan sózinde Eraly Toǵjanov elimizdiń densaýlyq saqtaý jáne bilim berý salasyndaǵy birqatar jetistikterin, sondaı-aq ýnıversıtet stýdentteriniń pandemııamen kúreske atsalysqanyn erekshe atap ótti.
«Qyzyl dıplom alý úshin qanshalyqty ter tógilgenin bilemin. Medısına mamandyǵyn meńgerý qıyn. Búkil el COVID-19 pandemııasyna qarsy turǵan kezde, sender jastaryńa qaramaı, vırýspen kúresýge aǵa tolqynmen qatar at salystyńdar. Oqýdy sátti aıaqtaǵandaryńa óte qýanyshtymyn», dedi ol.
Densaýlyq saqtaý júıesin damytýdaǵy ýnıversıtettiń rólin QR Densaýlyq saqtaý Vıse-mınıstri Vıacheslav Dýdnık te atap ótti.
«Men ýnıversıtettiń tabysty damýy adamı kapıtaldyń ósýine odan ári yqpal etetinine jáne zamannyń synyna qarsy turý úshin otandyq densaýlyq saqtaýdy álemdik deńgeıge shyǵarýǵa múmkindik beretinine senimdimin», dedi Vıacheslav Dýdnık.
Elorda ákimi Altaı Kólginov te AstMý túlekterine aq jol tiledi.
«Jyl saıyn elordanyń medısınalyq mekemeleri zamanaýı dıagnostıkalyq tehnıkamen jabdyqtalady, biz elordanyń árbir turǵyny jaıly ómir súrip, jumys isteýi úshin barlyq sharalardy qabyldaýdamyz kerek. Qalada 21 myńnan astam medısınalyq uıym jumys isteıdi, onda 5 myńnan astam dáriger jumys qyzmet etedi. Elimizdiń úzdik medısınalyq joǵary oqý oryndarynyń biriniń árbir tórtinshi stýdenti Nur-sultan qalasynda qalatynyna qýanyshtymyn, sizder elordamyzdyń ǵana emes, búkil Qazaqstannyń maqtanyshyna aınalatyndaryńyzǵa senimdimin», dedi ákim.
О́z kezeginde AstMÝ Basqarma Tóraǵasy-Rektory Kamaljan Nadyrov quttyqtaý sózinde dıplom tapsyrý rásimi ýnıversıtet úshin ǵana emes, búkil respýblıka úshin mańyzdy oqıǵa ekenin atap ótti.
«Densaýlyq saqtaý salasy ult densaýlyǵy úshin óziniń kreatıvti ári zamanaýı tásilin engizýge qabiletti, jas kadrlarmen tolyǵýda. Dıplom alý tabysqa kepildik bermeıdi. Sizder áli qıyn da, qyzyqty jumysqa kirisesizder. Aq halatqa kir keltirmeı, abzal mamandyqqa sońyna deıin adal bolyńyzdar!», dedi ol túlekterge.
Saltanatty keshte «Jalpy medısına», «Stomatologııa» mamandyqtary boıynsha ınternatýra jáne «Jalpy medısına», «Stomatologııa», «Farmasııa», «Qoǵamdyq densaýlyq saqtaý», «Meıirbıke isi» mamandyqtary boıynsha bakalavrıat pen sheteldikterden «Jalpy medısına» men «Stomatologııa» mamandyqtaryn tamamdaǵan stýdentter dıplom aldy.
Aıta ketsek, pandemııamen kúreste erekshe kózge túsken JOO-nyń 20 stýdenti elimizdiń Prezıdentiniń Jarlyǵymen bekitilgen «Halyq alǵysy» memlekettik medalimen marapattaldy.
Stýdentterdi quttyqtaýǵa elimizdiń saıası qaıratkerleri, QR Parlamentiniń ókilderi, Densaýlyq saqtaý mınıstrliginiń, Joǵary bilim jáne ǵylym mınıstrliginiń basshylary, Elorda ákimi, medısınalyq joǵary oqý oryndarynyń rektorlary men emdeý mekemeleriniń bas dárigerleri keldi.
