«Aqjol» JShS-da 752 jumyskerdiń aldynda osy jyldyń naýryz, sáýir jáne mamyr aılary úshin jalpy somasy 232 mln 449 myń teńge jalaqydan qaryz oryn alǵany anyqtaldy.
«Aqjol» JShS ÁQBtK-niń 87-baby 1-tarmaǵyna sáıkes, ákimshilik jaýapkershilikke tartyldy. Tekserý qorytyndysy boıynsha «Aqjol» JShS basshysy atyna Eńbek zańnamasynyń buzýshylyqtaryn joıý boıynsha oryndalýy mindetti nusqama berilgen. Nusqama talabyn oryndatý boıynsha basqarma tarapynan jumys júrgizilýde», dedi oblystyq eńbek ınspeksııasy jónindegi basqarma basshysynyń m.a. Asqar Seıtqazın.
Qala ákimi Nurbol Turashbekovtyń aıtýynsha, atalǵan seriktestik 2017 jyldan beri qosalqy merdiger retinde qala aýmaǵyndaǵy birneshe qurylys jumystaryna qatysyp kelgen. 2021 jyly Qoja Ahmet Iаsaýı atyndaǵy HQTÝ tas jolynan Otyrar móltek aýdanyna baratyn joldyń kúrdeli jóndeý nysanyna qatysty qazirgi tańda sot prosesi júrýine baılanysty qala ákimdigi tarapynan qarjy aýdarylmaǵan. Sot aıaqtalǵan soń, sheshimine sáıkes tólemder júrgiziletin bolady», dedi qala basshysy.
«Aqjol» JShS jumysshylaryna jalaqy tóleı almaýynyń negizgi kredıtorlyq bereshegi - qurylys materıaldary qunynyń ósýimen nemese joǵaryda atalǵan JShS-nyń merdiger nemese qosalqy merdiger bolǵan jeke kompanııalarmen baılanysty týyndaǵan.
«Kóterilip otyrǵan máselede «Aqjol» JShS bas merdiger emes, qosalqy merdiger retinde jumystar júrgizgen. Aldaǵy ýaqytta seriktestik ózderiniń atqarǵan jumystaryn bas merdigerge tolyqqandy dáleldep bergen jaǵdaıda aıtylǵan somanyń barlyǵy tólenedi. Bas merdiger men qosalqy merdiger arasyndaǵy máselege aralasý ákimdik quzyryna kirmeıdi. Atalǵan másele sotqa deıingi retteý tártibimen nemese ekonomıkalyq sotta sheshilýge tıis. Mıtıngiler men sherýler mundaı máselelerdi sheshpeıdi», dedi ákim.
Brıfıng barysynda bas merdiger «Capital Construction Projects Kazahkstan» JShS-i ókili Baqytjan Esalıev «Aqjol» JShS-nen 190 mln teńgege oryndalǵan jumystardy salystyryp tekserýge qol jetkize almaǵanyn jetkizdi. Al ákimshilik ǵımarattardyń biriniń bas merdigeri - «Kontınent Tranzıt» kompanııasynyń ókili Abdýǵanı Abdýkadyr «Aqjol» JShS qosalqy merdigeri ózine alǵan mindettemelerin oryndamaǵanyn jáne qurylys jumystaryn aıaqtamaı ketip qalǵanyn, onymen qoımaı bas merdigerden 150 mln teńge talap etip otyrǵanyn aıtyp otyr.
