«Ol óz shaǵymynda beıtanys nómir qońyraý shalyp, belgisiz adam ózin UQK-niń qyzmetkeri retinde tanystyrǵanyn kórsetti. Sondaı-aq kúdikti qarııanyń esepshotyna belgisiz tulǵalar kıbber shabýyl jasap jatqandyǵyn, 20 mıllıon teńge aqsha salyp, qaıta sheship alatynyn jáne páterin satyp jiberýi múmkin ekenin aıtyp sendirgen. О́z kezeginde er adamǵa ekinshi deńgeıli bankterdiń birinen qosymsha shot ashyp, sol shotqa barlyq aqshany aýdarýyn surap, alaıaqty quryqtaýǵa ýáde etken. Alaıaqtyń sózine sengen zeınetker tez arada páterin satyp, jalpy somasy 37 mıllıon teńge qarajatyn alaıaqtar aıtqan qosymsha esepshottarǵa aýdarǵan», delingen habarlamada.
Atalǵan jaıtty polısııa qyzmetkerleri QR QK-niń 190-baby 4-bóligi 2-tarmaǵy (Asa iri mólsherde jasalǵan alaıaqtyq) boıynsha tirkedi. Qazir atalǵan qylmystyq is boıynsha Ál-Farabı APB Krımınaldyq polısııa bóliminiń qyzmetkerlerinen jedel top qurylyp, kúdiktini izdestirý sharalary júrgizilýde.
Sondaı-aq qylmyskerdi quryqtaý maqsatynda Aqtóbe jáne Almaty qalasynyń polıseılerine jeke tapsyrma berildi.
